ທ່ານຮອງນາຍົກລັດຖະມົນຕີ ເວືອງດີງເຮ້ະ ກ່າວຄຳເຫັນທີ່ພິທີ
(ພາບ: VGP)
(vovworld) - ຕອນຄ່ຳວັນທີ 06/05 ຢູ່ແຂວງ ເງະອານ, ທ່ານຮອງນາຍົກລັດຖະມົນຕີ ເວືອງດີງເຮ້ະ ຫົວໜ້າຄະນະຊີ້ນຳໂຄງການຈຸດໝາຍແຫ່ງຊາດ ກໍ່ສ້າງຊົນນະບົດໃໝ່ ເຂົ້າຮ່ວມພິທີຕ້ອນຮັບນາມມະຍົດ “ເມືອງຊົນນະບົດໃໝ່” ແລະ ໃບຢັ້ງຢືນບູຊະນີຍະຖານ ປະຫວັດສາດລະດັບຊາດ ແຫ່ງທີ່ປະທານໂຮ່ຈີມິນ ລົງຢ້ຽມຢາມນິຄົມກະເສດ ດົງຮ໋ຽວ (10/12/1961) ເທດສະບານ ທ໋າຍຮ່ວາ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ເວືອງດີງເຮ້ະ ເນັ້ນໜັກວ່າ: ການກໍ່ສ້າງຊົນນະບົດໃໝ່ ໄດ້ກາຍເປັນ ຂະບວນການແຂງແຮງ, ກ້ວາງຂວາງໃນທົ່ວປະເທດ, ໄດ້ຮັບການຕ້ອບສະໜອງ ແລະ ເຂົ້າຮ່ວມຢ່າງຕັ້ງໜ້າຈາກທັງລະບົບການເມືອງ ແລະ ປະຊາຊົນເປັນຈຳນວນຫລວງຫລາຍ. ທ່ານຮອງນາຍົກລັດຖະມົນຕີ ສະເໜີແຂວງ ເງະອານ ເວົ້າລວມ, ເທດສະບານ ທ໋າຍຮ່ວາ ເວົ້າສະເພາະ ເສີມຂະຫຍາຍໝາກຜົນທີ່ບັນລຸໄດ້; ປຸກລະດົມ ປະຊາຊົນທຸກຊັ້ນວັນນະຮ່ວມແຮງຮ່ວມໃຈ ປະກອບສ່ວນກໍ່ສ້າງຊົນນະບົດໃໝ່, ສ້າງບ້ານເກີດເມືອງນອນໃຫ້ຮັ່ງມີ, ສວຍງາມ, ສີວິໄລ. ຄຽງຂ້ອງນັ້ນ ທ່ານຮອງນາຍົກລັດຖະມົນຕີ ສະເໜີຄະນະພັກ, ອຳນາດການປົກຄອງ ພ້ອມກັບປະຊາຊົນແຂວງ ເງະອານ ແລະ ເທດສະບານ ທ໋າຍຮ່ວາ ຮັກສາ, ເສີມຂະຫຍາຍຄຸນຄ່າຂອງບັນດາປູຊະນີຍະຖານປະຫວັດສາດລະດັບຊາດແຫ່ງທີ່ປະທານ ໂຮ່ຈີມິນ ລົງຢ້ຽມຢາມຢູ່ນິຄົມກະເສດ ດົງຮ໋ຽວ; ສາມັກຄີ, ເປັນເຈົ້າການ, ມີຫົວຄິດປະດິດສ້າງ, ມານະພະຍາຍາມສູ້ຊົນ ແລະ ບັນລຸໄດ້ຜົນງານໃຫຍ່ຫລວງກ່ວາອີກ, ຍົກສູງ ດ້ານວັດຖຸ ແລະ ຈິດໃຈໃຫ້ປະຊາຊົນ.