ກໍ່ສ້າງບັນດານະໂຍບາຍໜູນຊ່ວຍວິສາຫະກິດຂະໜາດກາງແລະນ້ອຍຢ່າງຄົບຊຸດ
ສະພາແຫ່ງຊາດ ຫວຽດນາມ
(vovworld) - ໃນວາລະປຶກສາຫາລືກ່ຽວກັບຮ່າງກົດໝາຍວ່າດ້ວຍວິສາຫະກິດຂະໜາດກາງ ແລະ ນ້ອຍ ໃນຕອນເຊົ້າວັນທີ 22/11 ສະມາຊິກສະພາແຫ່ງຊາດສ່ວນຫລາຍຖືວ່າ ເລື່ອງກໍ່ສ້າງຮ່າງກົດໝາຍແມ່ນມີຄວາມຈຳເປັນ ເພື່ອແນໃສ່ພັດທະນາເສດຖະກິດນອກລັດ, ພິເສດ ແມ່ນບັນດາວິສາຫະກິດຂະໜາດກາງ ແລະ ນ້ອຍ, ເຊິ່ງແມ່ນພາກສ່ວນທີ່ມີບົດບາດສຳຄັນໃນພື້ນຖານເສດຖະກິດແຫ່ງຊາດ. ນີ້ກໍ່ແມ່ນການກະຕຸກຊຸກຍູ້ເພື່ອໃຫ້ພາກພື້ນນີ້ ກາຍເປັນກຳລັງໜູນຂອງພື້ນຖານເສດຖະກິດຢ່າງແທ້ຈິງ, ບັນລຸໄດ້ຈຸດໝາຍເຖິງປີ 2020 ຈະມີວິສາຫະກິດ1 ລ້ານແຫ່ງເຄື່ອນໄຫວຢ່າງມີປະສິດທິຜົນ. ເຖິງຢ່າງໃດກໍ່ຕາມ ເລື່ອງໜູນຊ່ວຍວິສາຫະກິດຂະໜາດກາງ ແລະ ນ້ອຍ ຄວນຮັບປະກັນລັກສະນະສະເໝີພາບ, ບໍ່ຈຳແໜກກາລະໂອກາດຮັບ ແຫຼ່ງທຶນໜູນຊ່ວຍ; ຄວນເອົາໃຈໃສ່, ສ້າງເງື່ອນໄຂ, ສ້າງສະພາບແວດລ້ອມສະດວດ ເພື່ອເພີ່ມຈຳນວນວິສາຫະກິດຈົດທະບຽນສ້າງຕັ້ງໃໝ່, ເຄື່ອນໄຫວດຳເນີນທຸລະກິດຢ່າງມີປະສິດທິຜົນ. ທ່ານ ຮ່ວາງກວາງຮ່າມ ສະມາຊິກສະພາແຫ່ງຊາດແຂວງ ຟູ໋ທໍ້ ຍົກຄຳເຫັນວ່າ:
“ ສະເໜີຕ້ອງກຳນົດບັນດາເນື້ອໃນໜູນຊ່ວຍທີ່ກ່ຽວຂ້ອງເຖິງແຫຼ່ງກຳລັງຈາກງົບປະມານ, ຄວນສຸມໃສ່ບັນດາຈຸດໝາຍສຳຄັນ, ຈຳເປັນຂອງ 3 ໂຄງການຈຸດສຸມ. ເຊື່ອມຕໍ່ວິສາຫະກິດຂະໜາດກາງ ແລະ ນ້ອຍກັບວິສາຫະກິດໃຫຍ່ ໃນການແຈກຢາຍຜະລິດຕະພັນ, ຕາມນັ້ນແລ້ວ ຕ້ອງກຳນົດຢ່າງຈະແຈ້ງໃນກົດໝາຍບັນດາບຸລິມະສິດສຳລັບວິສາຫະກິດໃຫຍ່ ພ້ອມທັງກຳນົດຢ່າງຈະແຈ້ງ ບັນດາລັດວິສາຫະກິດຂະໜາດໃຫຍ່ ຕ້ອງມີຄວາມຮັບຜິດຊອບປະຕິບັດການເຊື່ອມຕໍ່ກັບວິສາຫະກິດຂະໜາດກາງ ແລະ ນ້ອຍ”.
ແລະກໍ່ໃນຕອນເຊົ້າວັນທີ 22/11, ດ້ວຍຈຳນວນບັດເຫັນດີສ່ວນຫລາຍ, ສະພາແຫ່ງຊາດ ໄດ້ຮັບຮອງເອົາມະຕິກ່ຽວກັບການປະຕິບັດທົດລອງອອກວີຊາເອເລັກໂຕນິກໃຫ້ຄົນຕ່າງປະເທດເຂົ້າ ຫວຽດນາມ.