ກໍ່ສ້າງສຳນັກງານສູນຮັກສາສັນຕິພາບຫວຽດນາມ
ທີ່ພິທີກໍ່ສ້າງສຳນັກງານສູນຮັກສາສັນຕິພາບຫວຽດນາມ
(ພາບ: infonet.vn)
(vovworld) – ຕອນເຊົ້າວັນທີ 4/6, ສູນຮັກສາສັນຕິພາບ ຫວຽດນາມ, ກະຊວງປ້ອງກັນປະເທດ ໄດ້ຈັດຕັ້ງພິທີເລີ່ມລົງມືກໍ່ສ້າງສຳນັກງານ. ໂຄງການລົງທຶນກໍ່ສ້າງສຳນັກງານສູນຮັກສາສັນຕິພາບ ຫວຽດນາມ ໄລຍະ 1 ມີຍອດຈຳນວນທຶນກ່ວາ 215 ຕື້ດົ່ງ ເຊິ່ງໄດ້ຮັບການປະຕິບັດນັບແຕ່ນີ້ມາຮອດປີ 2017. ພາຍຫຼັງກໍ່ສ້າງສຳເລັດ, ນີ້ຈະແມ່ນກິດຈະກຳທີ່ມີບົດບາດໜ້າທີ່ທີ່ທັນສະໄໝ, ນຳໃຊ້ສະດວກສະບາຍ, ຮັບໃຊ້ການຜັນຂະຫຍາຍບັນດາໜ້າທີ່ເຄື່ອນໄຫວຮັກສາສັນຕິພາບສະຫະປະຊາຊາດຂອງ ຫວຽດນາມ ຢ່າງມີປະສິດທິຜົນ; ແມ່ນສູນຄຸ້ມຄອງ, ເຝຶກອົບຮົມ,ບຳລຸງສ້າງ ແລະ ຜັນຂະຫຍາຍກຳລັງ ຫວຽດນາມ ທີ່ເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ. ກິດຈະກຳຍັງແມ່ນສະຖານທີ່ເຝຶກອົບຮົມກຳລັງໜູນຊ່ວຍມະນຸດສະທຳ, ກູ້ໄພກູ້ຊີບໃນພາກພື້ນ.
ກ່າວຄຳເຫັນທີ່ພິທີ, ທ່ານພົນຕີ ເລຈຽມ, ຮອງຫົວໜ້າເສນາທິການໃຫຍ່ກອງທັບປະຊາຊົນ ຫວຽດນາມ ໃຫ້ຮູ້ວ່າ: ເລື່ອງກໍ່ສ້າງສຳນັກງານສູນຮັກສາສັນຕິພາບ ຫວຽດນາມ ແມ່ນໜ້າທີ່ສຳຄັນ ເພື່ອຮັບປະກັນພື້ນຖານໂຄງລ່າງຮັບໃຊ້ການຊີ້ນຳ, ການບໍລິຫານ ແລະ ການເຝຶກອົບຮົມ, ເຮັດໃຫ້ສູນຮັກສາສັນຕິພາບກາຍເປັນສູນທີ່ມີລະດັບພາກພື້ນ ແລະ ສາກົນ.