( vovworld ) - ວັນທີ 26/6, ຢູ່ນະຄອນເຫ໋ວ, ໄດ້ດຳເນີນກອງປະຊຸມສາກົນ “ ກໍ່ສ້າງເສັ້ນຊາຍແດນສັນຕິພາບ, ມິດຕະພາບຫວຽດນາມ - ລາວ ”.
ໃນບົດລາຍງານວຽກງານແນວໂຮມຂອງສອງປະເທດຫວຽດນາມ - ລາວ ໄດ້ເປັນເອກະພາບ ໂດຍຕີລາຄາວ່າ; ແນວໂຮມທຸກຂັ້ນຂອງສອງປະເທດໄດ້ໂຄສະນາ, ຂົນຂວາຍປະຊາຊົນຊາບຊືມບັນດາແຜນນະໂຍບານ, ນະໂຍບາຍຂອງພັກ, ກົດໝາຍຂອງລັດ; ບັນດາສັນຍາ, ສົນທິສັນຍາ ແລະ ກົດລະບຽບເສັ້ນຊາຍແດນ, ກ່ຽວກັບເລື່ອງປົກປັກຮັກສາອະທິປະໄຕແຫ່ງຊາດ, ຮັກສາເສັ້ນຊາຍແດນສັນຕິພາບ, ມິດຕະພາບລະຫວ່າງສອງປະເທດຢ່າງຕັ້ງໜ້າ. ຂົນຂວາຍປະຊາຊົນຢູ່ເຂດຊາຍແດນສອງປະເທດຊ່ວຍເຫຼືອບັນດາກຳລັງປັກຫຼັກໝາຍຊາຍແດນຢ່າງສຸດຈິດສຸດໃຈ ເພື່ອປະຕິບັດໂຄງການປັກຫຼັກໝາຍຖີ່ ແລະ ບູລະນະລະບົບຫຼັກໝາຍຊາຍແດນແຫ່ງຊາດຫວຽດນາມ - ລາວ. ໄລຍະ 2012 – 2014, ສອງຝ່າຍໄດ້ຕົກລົງຮ່ວມມື, ສືບຕໍ່ປະຕິບັດບັນດາໜ້າທີຈຸດສຸມ. ເພີ່ມທະວີວຽກງານກໍ່ສ້າງ, ປັບປຸງລະບົບການເມືອງຂັ້ນຮາກຖານຢູ່ເຂດຊາຍແດນ, ໃນນັ້ນ ເອົາໃຈໃສ່ເປັນພິເສດເຖິງການກໍ່ສ້າງເຂດຊຸມຊົນໃຫ້ມີສະຖຽນລະພາບດ້ານການເມືອງ, ກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດໃນບໍລິເວັນແຂວງໃຫ້ໝັ້ນຄົງເຂັ້ມແຂງຢ່າງແທດຈິງ.
ທີ່ກອງປະຊຸມ, ຄະນະກຳມະການສູນກາງແນວລາວສ້າງຊາດ ໄດ້ມອບຫຼຽນໄຊມິດຕະພາບຂອງພັກ, ລັດ ລາວ ໃຫ້ແກ່ຄະນະກຳມະການແນວໂຮມປະເທດຊາດຫວຽດນາມຢູ່ 10 ແຂວງ ທີ່ມີເສັ້ນຊາຍແດນຕິດກັບລາວ.