(vovworld) - ວັນທີ 16/1, ບັນດາກຳລັງປະກອບອາວຸດ Venezuela (ຫຼື FANB) ໄດ້ຢັ້ງຢືນຄືນໃໝ່ການສະໜັບສະໜູນທີ່ມີຕໍ່ທ່ານປະທານາທິບໍດີ Hugo Chavez, ພ້ອມທັງຖະແຫຼງຈະປະຕິບັດ ແລະ ຮັບປະກັນປະຕິບັດບັນດາຄຳຕັດສິນຂອງສານຍຸຕິທຳສູງສຸດ ແລະ ສະພາແຫ່ງຊາດ ໄດ້ອະນຸຍາດໃຫ້ການນຳປະເທດນີ້ ສະບານຕົວຮັບດຳລົງຕຳແໜ່ງ ຄືນໃໝ່ເມື່ອສຸຂະພາບຂອງທ່ານແຂງແຮງຂຶ້ນ. ທ່ານລັດຖະມົນຕີກະຊວງປ້ອງກັນປະເທດ Venezuela, ພົນເຮືອເອກ Diego Molero ໃຫ້ຮູ້ວ່າ: ຍິ່ງກ່ວາເວລາໃດໝົດ FANB ຈະປະຕິບັດຕາມຄຳສັ່ງ ແລະ ຈົ່ງຮັກພັກດີໂດຍບໍ່ມີເງື່ອນໄຂຕໍ່ທ່ານປະທານາທິບໍດີ Hugo Chavez. ທ່ານກໍ່ໄດ້ຊີ້ແຈ້ງວ່າ: ກອງທັບຈະຮັບປະກັນປະຕິບັດຄຳຕັດສິນຂອງສານຍຸຕິທຳສູງສຸດທີ່ອະນຸຍາດໃຫ້ລັດຖະບານສືບຕໍ່ບໍລິຫານປະເທດຊາດ. FANB ກໍ່ລະມັດລະວັງຕໍ່ໜ້າທຸກໆການກະທຳເກາະຜິດ ແລະ ການປ່ຽນແປງລັດຖະທຳມະນູນ, ພ້ອມທັງຈະເຮັດວຽກຈົ່ງຮັກພັກດີຕໍ່ວິວັດການປະຊາທິປະໄຕ, ປະຕິວັດ ແລະ ສັນຕິພາບຢູ່ Venezuela.