ກອງທັບຫວຽດນາມ - ຟີລິບປິນ ເພີ່ມທະວີການຮ່ວມມືກອງທັບເຮືອ, ຕຳຫຼວດປ້ອງກັນທະເລ..
ທ່ານພົນຕີ ຫວໍວັນຕ໋ວນ, ຮອງເສນາທິການໃຫຍ່ກອງທັບປະຊາຊົນຫວຽດນາມ
ກັບຄະນະຜູ້ແທນຂັ້ນສູງກອງທັບຟີລິບປິນ
(ພາບ: vietnamplus.vn)
(vovworld) – ຕອນບ່າຍວັນທີ 9/10, ທີ່ການພົບປະລະຫວ່າງທ່ານພົນຕີ ຫວໍວັນຕ໋ວນ, ຮອງເສນາທິການໃຫຍ່ກອງທັບປະຊາຊົນຫວຽດນາມ ກັບຄະນະຜູ້ແທນຂັ້ນສູງກອງທັບຟີລິບປິນ ໂດຍພົນຈັດຕະວາ John s Bonados, ຜູ້ບັນຊາການຮົບພິເສດ, ກອງທັບບົກຟີລິບປິນ ນຳໜ້າ ທີ່ພວມຢູ່ຢ້ຽມຢາມຫວຽດນາມ ນັ້ນ, ສອງຝ່າຍໄດ້ຕີລາຄາສູງການພົວພັນຮ່ວມມືໃນທຸກຂົງເຂດລະຫວ່າງກະຊວງປ້ອງກັນປະເທດ ຫວຽດນາມ ແລະ ຟີລິບປິນ, ໃນນັ້ນມີການຮ່ວມມືລະຫວ່າງທະຫານເຮືອ, ຕຳຫຼວງປ້ອງກັນທະເລ, ການຮ່ວມມືໃນຂອບເຂດບັນດາເວທີປາໄສປ້ອງກັນຊາດຫຼາຍຝ່າຍຂອງພາກພື້ນ. ຜ່ານການເຄື່ອນໄຫວເຫຼົ່ານັ້ນ ໄດ້ປະກອບສ່ວນເພີ່ມທະວີການພົວພັນມິດຕະພາບ, ຄວາມໄວ້ເນື້ອເຊື່ອໃຈ ແລະ ຄວາມເຂົ້າໃຈເຊິ່ງກັນ ແລະ ກັນລະຫວ່າງກອງທັບສອງປະເທດ, ປະກອບສ່ວນເພື່ອສັນຕິພາບ, ສະຖຽນລະພາບ ແລະ ການພັດທະນາລວມຂອງພາກພື້ນ. ສອງຝ່າຍເຫັນດີເປັນເອກະສັນ, ໃນໄລຍະຈະມາເຖິງ, ກອງທັບສອງປະເທດສືບຕໍ່ເພີ່ມທະວີການຮ່ວມມືໃນບັນດາຂົງເຂດທະຫານເຮືອ, ຕຳຫຼວດປ້ອງກັນທະເລ, ກອງທັບອາກາດ ແລະ ກອງທັບບົກ, ຜ່ານນັ້ນ, ນຳການພົວພັນປ້ອງກັນຊາດຫວຽດນາມ - ຟີລິບປິນ ໃຫ້ນັບມື້ນັບພັດທະນາ.