ກອງທັບໄທໄດ້ຮັບການລະດົມເພື່ອຮັບປະກັນຄວາມສະຫງົບ,ຄວາມເປັນລະບຽບຮຽບຮ້ອຍ
ຜູ້ແຫ່ຂະບວນປະທ້ວງຄັດຄ້ານລັດຖະບານໄທ
(ພາບປະກອບ)
(vovworld) – ວັນທີ 16/1, ທ່ານເລຂາທິການຄະນະກຳມະການເລືອກຕັ້ງແຫ່ງຊາດ ໄທ ພຸຈົງ ນຸຕຣາວົງ ໃຫ້ຮູ້ວ່າ ບໍ່ທັນເລືອກໄດ້ພາລະກອນປະມານ 140.000 ຄົນຕາມຄຳຮຽກຮ້ອງຕ້ອງການເພື່ອຮັບໃຊ້ໃຫ້ວິວັດການປ່ອນບັດຢູ່ 15 ແຂວງທາງພາກໃຕ້ປະເທດນີ້ ເຖິງວ່າຍັງມີເວລາພຽງ 3 ອາທິດເທົ່ານັ້ນຈະຈັດຕັ້ງການເລືອກຕັ້ງທົ່ວປະເທດ.
ຕາມທ່ານ ພຸຈົງ ນຸຕຣາວົງ ແລ້ວ, ຄະນະກຳມະການເລືອກຕັ້ງແຫ່ງຊາດໄດ້ນຳໃຊ້ມາດຕາ 20 ຂອງກົດໝາຍວ່າດ້ວຍການເລືອກຕັ້ງ ຮຽກຮ້ອງໃຫ້ບັນດາອົງການຂຶ້ນກັບລັດຖະບານ ຈັດສົ່ງຜູ້ຮັບໃຊ້ໃຫ້ການເລືອກຕັ້ງຈະມາເຖິງ. ນອກນັ້ນ, ຄະນະກຳມະການດັ່ງກ່າວກໍ່ປະສົບກັບຄວາມຫຍຸ້ງຍາກໃນການຊອກຫາບັນດາສະຖານທີ່ປ່ອນບັດ.
ກ່ຽວຂ້ອງເຖິງວຽກງານເລືອກຕັ້ງຢູ່ນະຄອນຫຼວງ ບາງກອກ, ບ່ອນທີ່ຈະມີປະມານ 6.000 ສະຖານທີ່ປ່ອນບັດ, ທ່ານເລຂາທິການ ພຸຈົງ ນຸຕຣາວົງ ໃຫ້ຮູ້ວ່າ: ຈະຊອກຫາການໜູນຊ່ວຍຂອງອຳນາດການປົກຄອງ ບາງກອກ, ກະຊວງສຶກສາ ແລະ ກອງທັບໃນການຈັດສົ່ງຜູ້ປະຕິບັດໜ້າທີ່.
ກ່ອນໜ້ານັ້ນ, ຢູ່ເວທີປາໄສພິເສດກ່ຽວກັບການເລືອກຕັ້ງໂດຍລັດຖະບານຈັດຕັ້ງໃນວັນທີ 15/1, ບັນດາຜູ້ຕາງໜ້າເຂົ້າຮ່ວມໄດ້ເຫັນດີຈັດຕັ້ງການເລືອກຕັ້ງຖືກຕາມກຳນົດເວລາ ຄືວັນທີ 2/2 ຈະມາເຖິງ.
ກ່ຽວຂ້ອງເຖິງບັນຫາດັ່ງກ່າວບັງມີຂ່າວໃຫ້ຮູ້ວ່າ, ທ່ານຮອງນາຍົກລັດຖະມົນຕີ ສຸຣາພົງ ໂຕວິຈາກໄຈກຸນ ໄດ້ສະເໜີໃຫ້ຕຳຫຼວດຈັບຕົວຫົວໜ້າຄະນະແຫ່ຂະບວນປະທ້ວງ ສຸເທບ ເທືອກສຸບັນ ແລະ ບັນດາຜູ້ຊ່ວຍວຽກໃນທັນທີ.