ພາບປະກອບ

ວັນທີ 14 ກັນຍາ, ສື່ມວນຊົນສາກົນ ໄດ້ລົງບົດຂຽນຕີລາຄາຄວາມສຳເລັດຂອງກອງປະຊຸມເວທີປາໄສເສດຖະກິດໂລກ ກ່ຽວກັບອາຊຽນ (WEF ASEAN 2018) ເຊິ່ງດຳເນີນແຕ່ວັນທີ 11 – 13 ກັນຍາຢູ່ ຫວຽດນາມ ຫຼາຍບົດ. ຫົວຂໍ້ຂອງກອງປະຊຸມ “ອາຊຽນ 4.0: ນ້ຳໃຈວິສາຫະກິດ ແລະ ການປະຕິວັດອຸດສາຫະກຳຄັ້ງທີ 4” ໄດ້ຮັບການຕີລາຄາວ່າແມ່ນທັນການ, ເໝາະສົມກັບທ່າອ່ຽງຂອງຍຸກສະໄໝ, ກໍ່ຄືກາລະໂອກາດ ແລະ ສິ່ງທ້າທາຍເຊິ່ງການປະຕິວັດອຸດສາຫະກຳຄັ້ງທີ 4 ພວມວາງອອກ.

        ໃນແວບໄຊທາງການຂອງເວທີປາໄສເສດຖະກິດໂລກ (WEF) ໄດ້ລົງບັນດາບົດຂຽນກ່ຽວກັບກອງປະຊຸມເວທີປາໄສເສດຖະກິດໂລກ ກ່ຽວກັບອາຊຽນ ທີ່ຫາກໍ່ສິ້ນສຸດລົງຢູ່ຮ່າໂນ້ຍ, ຖືນີ້ແມ່ນຜົນສຳເລັດຂອງ WEF, ຂອງ ອາຊຽນ, ກໍ່ຄືປະເທດເຈົ້າພາບ ຫວຽດນາມ.

        “ເລື່ອງລາວ ກ່ຽວກັບການປະຕິຫານດ້ານເສດຖະກິດຂອງ ຫວຽດນາມ” ແມ່ນບົດຂຽນເປັນໜ້າເອົາໃຈໃສ່ ໄດ້ເອົາລົງໃນໜ້າແວບຂອງ WEF, ໃນນັ້ນຕີລາຄາວ່າ ຫວຽດນາມ ແມ່ນໜຶ່ງໃນບັນດາ “ດວງດາວທີ່ເຮືອງແສງໃນຍານອາວະກາດ”.

        ບົດຂຽນດ້ວຍຫົວຂໍ້ “ການນຳບັນດາພື້ນຖານເສດຖະກິດ ອາຊຽນ ເຫັນດີເປັນເອກະພາບຍາດແຍ່ງກາລະໂອກາດ ແລະ ສິ່ງທ້າທາຍຈາກການປະຕິວັດອຸດສາຫະກຳ 4.0” ໂດຍໄດ້ລົງໃນໜັງສືພິມ The Econimic Times, ໂດຍເນັ້ນໜັກວ່າ ການພົບປະແມ່ນໂອກາດເພື່ອໃຫ້ການນຳບັນດາປະເທດສະມາຊິກ ອາຊຽນ ຢັ້ງຢືນຄວາມສຳຄັນຂອງເລື່ອງຜັນຂະຫຍາຍການປະຕິວັດອຸດສາຫະກຳ 4.0 ຢ່າງເຖິງຖອງເພື່ອຮັບໃຊ້ການພັດທະນາເສດຖະກິດ.

        ສ່ວນບົດຂຽນທີ່ເອົາລົງໃນໜ້າແວບ Europeansting ໄດ້ເນັ້ນໜັກເຖິງ “ຈິດໃຈດຳເນີນທຸລະກິດ” ເຊິ່ງກອງປະຊຸມ WEF ASEAN 2018 ໄດ້ສະແດງອອກ.