ກອງປະຊຸມ ຂອງຄະນະຊີ້ນຳເຂດທາງທິດຕາເວັນຕົກຂອງພາກໃຕ້ຫວຽດນາມ
ທ່ານຮອງນາຍົກລັດຖະມົນຕີ ຫວູວັນນິນ
|
(vovworld) - ກ່າວຄຳເຫັນທີ່ກອງປະຊຸມສະຫຼຸບວຽກງານປີ 2011, ຜັນຂະຫຍາຍວຽກງານປີ 2012 ຂອງຄະນະຊີ້ນຳເຂດທາງທິດຕາເວັນຕົກຂອງພາກໃຕ້ຫວຽດນາມ, ທ່ານ ຮອງນາຍົກລັດຖະມົນຕີຫວຽດນາມ ຫວູວັນນິນ ເນັ້ນໜັກວ່າໜ້າທີ່ຈຸດສຸມຂອງບັນດາທ້ອງຖິ່ນໃນເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ໃນປີນີ້ ແມ່ນສືບຕໍ່ປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກກອມມູນິດຫວຽດນາມ ແລະ ກອງປະຊຸມອົງຄະນະພັກບັນດາທ້ອງຖິ່ນໃນ 5 ປີຈະມາເຖິງຢ່າງມີໄຊ. ບົນຈິດໃຈນັ້ນ, ປະກອບກຳລັງແຮງກັບສູນກາງເພື່ອຄວບຄຸມໄພເງິນເຟີ້, ຮັກສາເສດຖະກິດມະຫາພາກໃຫ້ເປັນປົກກະຕິ, ຮັບປະກັນຊີວິດສັງຄົມ. ກ່ອນອື່ນໝົດ,ບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆຕ້ອງກວດກາຄືນແຜນກຳນົດຕາມລັກສະນະລະຫວ່າງເຂດ ແລະ ເຊື່ອມຕໍກັບແຜນກຳນົດເຂດດິນແດນ, ສຸມໃສ່ແກ້ໄຂຄວາມຫຍູ້ງຍາກເພື່ອໜູນຊ່ວຍວິສາຫະກິດ ແລະ ຊົນນະບົດຍູ້ແຮງການຜະລິດ ແລະ ສົ່ງອອກ. ບັນດາແຂວງກໍຕ້ອງສຸມໃສ່ລົງທຶນເຂົ້າໃນຂົງເຂດຄົມມະນາຄົມ, ຊົນລະປະທານ, ເສີມຂະຫຍາຍຮູບແບບທົ່ງນາກ້ວາງໃຫຍ່ຕົວແບບ. ຕາມທ່ານຮອງນາຍົກລັດຖະມົນຕີແລ້ວ, ກ່ອນອື່ນໝົດ, ເພື່ອແກ້ໄຂຄວາມຫຍູ້ງຍາກໃຫ້ແກ່ຊາວກະສິກອນ, ລັດຖະບານຈະໜູນຊ່ວຍສິນເຊື່ອເພື່ອໃຫ້ບັນດາວິສາຫະກິດເກັບຊື້ເຂົ້າສານແຮ່ໄວ້ 1 ລ້ານໂຕນໃນ 3 ເດືອນຂ້າງໜ້າ. ລັດຖະບານກໍພວມພິຈາລະນາເພື່ອໜູນຊ່ວຍງົບປະມານໃຫ້ແກ່ບັນດາທ້ອງຖີ່ນມີເນື້ອທີ່ດິນຜະລິດເຂົ້າ, ເພີ່ມເຕີມບັນດາກົນໄກ, ນະໂຍບາຍເພື່ອລະດົມບັນດາແຫຼ່ງເງິນລົງທຶນຈາກຕ່າງປະເທດໃຫ້ແກ່ການພັດທະນາພື້ນຖານໂຄງລ່າງ ຢູ່ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ.