ກອງປະຊຸມAEM48ສ້າງພື້ນຖານໃຫ້ແກ່ການກໍ່ສ້າງປະຊາຄົມເສດຖະກິດອາຊຽນສຳເລັດຜົນ
ບັນດາລັດຖະມົນຕີທີ່ພິທີອັດກອງປະຊຸມ
(vovworld) – ພາຍຫຼັງເຮັດວຽກມາເປັນເວລາ 4 ວັນ, ຕອນບ່າຍວັນທີ 6/8, ຢູ່ນະຄອນຫຼວງ ວຽງຈັນ, ກອງປະຊຸມລັດຖະມົນຕີເສດຖະກິດ ອາຊຽນ (AEM) 48 ແລະ ບັນດາກອງປະຊຸມກ່ຽວຂ້ອງໄດ້ອັດລົງ ແລະ ບັນລຸຜົນສຳເລັດຢ່າງຈົບງາມ. ຄະນະຜູ້ແທນ ຫວຽດນາມໂດຍທ່ານ ເຈີ່ນຕ໋ວນແອງ, ລັດຖະມົນຕີກະຊວງອຸດສາຫະກຳ ການຄ້າ ເຂົ້າຮ່ວມກອງປະຊຸມຄັ້ງນີ້ໄດ້ປະກອບສ່ວນຕັ້ງໜ້າເຂົ້າຜົນສຳເລັດຂອງກອງປະຊຸມ.
ທີ່ກອງປະຊຸມນີ້, ບັນດາລັດຖະມົນຕີເສດຖະກິດ ອາຊຽນ ໄດ້ສຸມໃສ່ພິຈາລະນາ ແລະ ຮັບຮອງເອົາຫຼາຍຂອບເຂດໃຫ້ແກ່ການເພີ່ມທະວີການຮ່ວມມືເສດຖະກິດພາຍໃນກຸ່ມ ອາຊຽນ, ລວມມີຂອບເຂດຫັນການຄ້າອາຊຽນເປັນສະດວກ, ຂອບເຂດຄຸ້ມຄອງຄວາມປອດໄພຂອງອາຫານ ອາຊຽນ, ຂອບເຂດລະບອບນະໂຍບາຍອາຊຽນ ກ່ຽວກັບການສຳພັດການເງິນໃຫ້ແກ່ວິສາຫະກິດຂະໜາດກາງ, ນ້ອຍ ແລະ ນ້ອຍຫຼາຍ… ກອງປະຊຸມຄັ້ງທີ 48 ຄັ້ງນີ້ກໍ່ເພື່ອກະກຽມເນື້ອໃນໃຫ້ແກ່ກອງປະຊຸມຂັ້ນສູງ ອາຊຽນ ຄັ້ງທີ 28, 29 ແລະ ບັນດາກອງປະຊຸມກ່ຽວຂ້ອງໃນເດືອນ 9 ຈະມາເຖິງ.
ທ່ານ ເຈີ່ນຕ໋ວນແອງ, ລັດຖະມົນຕີກະຊວງອຸດສາຫະກຳ ການຄ້າ ຫວຽດນາມ ໃຫ້ຮູ້ວ່າ: ທີ່ກອງປະຊຸມຄັ້ງນີ້, ບັນດາລັດຖະມົນຕີເສດຖະກິດ ອາຊຽນ ໄດ້ສຸມໃສ່ພິຈາລະນາ ແລະ ຮັບຮອງເອົາຫຼາຍຂອບເຂດໃຫ້ແກ່ການເພີ່ມທະວີການຮ່ວມມືເສດຖະກິດພາຍໃນກຸ່ມ ອາຊຽນ ກໍ່ຄືບັນດາຄູ່ຮ່ວມມື:
“ອາດເວົ້າໄດ້ວ່າ, ພື້ນຖານຊ່ວຍໃຫ້ບັນດາປະເທດ ອາຊຽນ ຫັນບັນດານະໂຍບາຍ, ເນື້ອໃນໃນບັນດາສັນຍາພາຍໃນກຸ່ມ ເພື່ອສ້າງປະຊາຄົມເສດຖະກິດ ອາຊຽນ ປະກົດຜົນເປັນຈິງດ້ວຍບັນດາການແນະນຳລະອຽດໃນພາກລັດ, ພາກເອກະຊົນ ທີ່ໄດ້ວາງອອກໃນບັນດາການເຄື່ອນໄຫວຂອງຊີວິດການເປັນຢູ່ຂອງປະຊາຄົມເສດຖະກິດ ອາຊຽນ.”