(ກອງປະຊຸມກຳມາທິການປ້ອງກັນຊາດ ປ້ອງກັນຄວາມສະຫງົບ 3 ປະເທດ ຫວຽດນາມ - ລາວ - ກຳປູເຈຍ)
(vovworld) - ກອງປະຊຸມ “ສາມັກຄີ - ມິດຕະພາບ - ຮ່ວມມື” ໂດຍກຳມາທິການປ້ອງກັນຊາດ - ປ້ອງກັນຄວາມສະຫງົບຂອງ ສະພາແຫ່ງຊາດ ຫວຽດນາມ ສົມທົບກັບກຳມາທິການປ້ອງກັນຊາດ - ປ້ອງກັນຄວາມສະຫງົບຂອງ ສະພາແຫ່ງຊາດ ລາວ, ກຳມາທິການວຽກງານພາຍໃນ, ປ້ອງກັນປະເທດ, ສືບສວນ, ຕ້ານການສໍ້ລາດບັງຫຼວງ ແລະ ບັນດາສາທາລະນະ ສະພາແຫ່ງຊາດ ກຳປູເຈຍ ຈັດຕັ້ງຂຶ້ນໃນຕອນເຊົ້າວັນທີ 5/3 ຢູ່ານະຄອນ ໂຮ່ຈີມິນ. ທີ່ກອງປະຊຸມ, ບັນດາກຳມາທິການ ໄດ້ຕີລາຄາສູງໝາກຜົນແຫ່ງການພົວພັນຮ່ວມມືດ້ານເສດຖະກິດ - ປ້ອງກັນຊາດ - ປ້ອງກັນຄວາມສະຫງົບ ແລະ ການຕ່າງປະເທດ ໃນປີ 2012 ຂອງແຕ່ລະປະເທດ, ແລກປ່ຽນຂໍ້ມູນຂ່າວສານ, ບົດຮຽນໃນການເຄື່ອນໄຫວນິຕິບັນຍັດ, ຕິດຕາມກວດກາ ແລະ ສະເໜີນະໂຍບາຍ ເພື່ອແນໃສ່ຍົກສູງຄຸນນະພາບການເຄື່ອນໄຫວຂອງແຕ່ລະກຳມາທິການ, ເໝາະສົມກັບຂໍ້ກຳນົດກົດໝາຍຂອງແຕ່ລະປະເທດ, ສົມທົບກັນຊຸກຍູ້ປະຕິບັດຂໍ້ຕົກລົງຂອງການນຳສະພາແຫ່ງຊາດ 3 ປະເທດ ແລະ ບັນດາເອກະສານຮ່ວມມື ຫຼາຍຝ່າຍ, 2 ຝ່າຍ ໄດ້ຮັບການລົງນາມໄປແລ້ວ, ປະກອບສ່ວນຍົກສູງຄຸນນະພາບ ແລະ ປະສິດທິຜົນການຮ່ວມມື, ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອລະຫວ່າງ 3 ປະເທດ ຫວຽດນາມ - ລາວ - ກຳປູເຈຍ. ກ່າວຄຳເຫັນນະທີ່ນີ້, ທ່ານ ຮິ່ງງອກເຊີນ, ຮອງປະທານສະພາແຫ່ງຊາດ ຫວຽດນາມ ເນັ້ນໜັກວ່າ:
“ໃນເງື່ອນໄຂຂອງແຕ່ລະປະເທດ, ແຕ່ລະສະພາແຫ່ງຊາດລ້ວນແຕ່ມີບັນດາຈຸດທີ່ເປັນເອກະລັກສະເພາະ, ຂ້າພະເຈົ້າຖືວ່າ: ການຈັດຕັ້ງກອງປະຊຸມໃນມື້ນີ້ແມ່ນຈຳເປັນທີ່ສຸດ. ນີ້ຈະແມ່ນເວທີປາໄສ ເພື່ອໃຫ້ບັນດາຜູ້ແທນໄດ້ພົບປະ, ແລກປ່ຽນບົດຮຽນໃນວຽກງານໂຄສະນາເຜິີຍແຜ່, ພ້ອມກັນພິຈາລະນາ ແລະ ມີຂໍ້ສະເໜີເພື່ອແນໃສ່ຊຸກຍູ້ສາຍພົວພັນທີ່ເປັນມູນເຊື້ອອັນດີງາມລະຫວ່າງ ສະພາແຫ່ງຊາດ ແລະ ປະຊາຊົນ 3 ປະເທດ ຫວຽດນາມ - ລາວ - ກຳປູເຈຍ ໃຫ້ດີຍິ່ງກ່ວາອີກ.”