ທ່ານ Donato Marcos, ຮອງລັດຖະມົນຕີພະລັງງານ ຟີລິບປິນ
(ພາບ: APEC 2015)
(vovworld) – ວັນທີ 30/8, ກອງປະຊຸມສາກົນກ່ຽວກັບແງ່ຫວັງພະລັງງານນິວເຄຼຍຢູ່ພາກພື້ນ ອາຊີ - ປາຊີຟິກ ໄດ້ໄຂຂຶ້ນຢູ່ນະຄອນຫຼວງ ມານີລາ ປະເທດ ຟີລິບປິນ. ຕາມທ່ານ Donato Marcos, ຮອງລັດຖະມົນຕີກະຊວງພະລັງງານ ຟີລິບປິນ ທັງເປັນປະທານຄະນະກຳມະການລະຫວ່າງອົງການສຳນັກງານ - ຫົວໜ່ວຍຈັດຕັ້ງເຫດການແລ້ວ, ກອງປະຊຸມແກ່ຍາວເປັນເວລາ 3 ວັນນີ້ຈະປຶກສາຫາລືບົດບາດທີ່ມີຄວາມສາມາດບົ່ມຊ້ອນ ແລະ ສຳຄັນຂອງພະລັງງານນິວເຄຼຍໃນການເພີ່ມທະວີແຫຼ່ງສະໜອງພະລັງງານຂອງແຕ່ລະປະເທດ, ກໍ່ຄືພິຈາລະນາບັນດາສ່ິງທ້າທາຍກ່ຽວກັບລະບອບ ແລະ ຂອບເຂດໃນການພັດທະນາບັນດາກອບນະໂຍບາຍທີ່ຈຳເປັນ ແລະ ໂຄງການນິວເຄຼຍຢ່າງມີປະສິດທິຜົນ. ນີ້ແມ່ນກອງປະຊຸມຄັ້ງທີ 4 ໃນບັນດາກອງປະຊຸມລະດັບພາກພື້ນຂອງອົງການພະລັງງານປະລະມານູສາກົນ (IAEA). ເຂົ້າຮ່ວມກອງປະຊຸມມີບັນດາຜູ້ຕາງໜ້າທີ່ມາຈາກບັນດາປະເທດສະມາຊິກ IAEA ພ້ອມກັບບັນດາອົງການ, ສຳນັກງານຂອງບັນດາປະເທດ ແລະ ສາກົນ.