ຊາວອົບພະຍົບໃນເຮືອລຳໜີ່ງ
(ພາບ: AP)
|
(vovworld) – ວັນທີ 19/9, ທີ່ກອງປະຊຸມຂັ້ນສູງກ່ຽວກັບຊາວອົບພະຍົບ ແລະ ຜູ້ລິ້ໄພທີ່ສຳນັກງານ ສປຊ, ຢູ່ນິວຢອກ, ປະເທດ ອາເມລິກາ, ບັນດາປະມຸກລັດ, ບັນດາລັດຖະມົນຕີການຕ່າງປະເທດຂອງ 193 ປະເທດສະມາຊິກ ສປຊ ໄດ້ຮັບຮອງເອົາຖະແຫຼງການນິວຢອກ, ເຊິ່ງລວມມີບັນດາຄຳໝັ້ນສັນຍາຜັນຂະຫຍາຍແຜນການໜຶ່ງຢ່າງຄົບຊຸດເພື່ອແກ້ໄຂບັນຫາຊາວອົບພະຍົບ ແລະ ຊາວລິ້ໄພຢ່າງມີປະສິດທິຜົນທີ່ສຸດ. ກ່າວຄຳເຫັນທີ່ກອງປະຊຸມ, ທ່ານເລຂາທິການໃຫຍ່ ສປຊ Ban Ki moon ເນັ້ນໜັກວ່າ: ຖະແຫຼງການ ນິວຢອກ ສະແດງໃຫ້ເຫັນຄວາມຕັດສິນໃຈຂອງ ສປຊ ແມ່ນຮ່ວມແຮງຮ່ວມໃຈກັບທຸກໆຄູ່ຮ່ວມມືເພື່ອປະຕິບັດບັນດາຄຳໝັ້ນສັນຍາລວມແນໃສ່ປົກປ້ອງສິດທິມະນຸດຂອງຊາວອົບພະຍົບ ແລະ ຊາວລິ້ໄພທຸກຄົນ. ຖ້າຫາກ ຖະແຫຼງການນິວຢອກ ໄດ້ຮັບການປະຕິບັດຢ່າງເຂັ້ມງວດຈະສ້າງກົນໄກເປັນປົກກະຕິ, ມີຄວາມຮັບຜິດຊອບກ່ວາເພື່ອບັນດາປະເທດສະມາຊິກ ສປຊ ຮ່ວມແຮງຮ່ວມໃຈແກ້ໄຂສະພາບການຊາວອົບພະຍົບ ແລະ ຊາວລິ້ໄພນັບມື້ນັບຫຼາຍຢູ່ໃນໂລກ.