(vovworld) – ຕອນເຊົ້າວັນທີ 6/9, ຢູ່ ຮ່າໂນ້ຍ, ຄະນະຊີ້ນຳແຜນຮ່າງສັງລວມຫັນລະບຽບການບໍລິຫານ, ເອກະສານຂອງພົນລະເມືອງເປັນງ່າຍດາຍ ແລະ ພື້ນຖານຂໍ້ມູນທີ່ກ່ຽວຂ້ອງເຖິງການຄຸ້ມຄອງພົນລະເມືອງ ໄລຍະ 2013 – 2020 (ເອີ້ນຫຍໍ້ວ່າຄະນະຊີ້ນຳ 896) ໄດ້ຈັດຕັ້ງພິທີສະເໜີຕົວ ແລະ ດຳເນີນກອງປະຊຸມຄັ້ງທຳອິດເພື່ອປຶກສາຫາລືລະບຽບການເຄື່ອນໄຫວຂອງຄະນະຊີ້ນຳ. ວຽກງານຂອງຄະນະຊີ້ນຳປັບປຸງພື້ນຖານກົດໝາຍໃຫ້ແກ່ການສະໜອງຕົວເລກກຳນົດສ່ວນບຸກຄົນ ແລະ ຂໍ້ມູນເອກະສານແຫ່ງຊາດກ່ຽວກັບພົນລະເມືອງເປັນລະບອບ, ບັນດາການເຄື່ອນໄຫວເພື່ອຫັນລະບຽບການບໍລິຫານ, ເອກະສານພົນລະເມືອງ, ບັນດາການເຄື່ອນໄຫວເພື່ອກວດກາຄືນລະບຽບການບໍລິຫານ, ເອກະສານພົນລະເມືອງ ແລະ ຜັນຂະຫຍາຍບັນດາມະຕິຂອງລັດຖະບານກ່ຽວກັບການຫັນລະບຽບການບໍລິຫານເປັນງ່າຍດາຍ. ຕາມທ່ານຮອງນາຍົກລັດຖະມົນຕີ ຫງວຽນຊວນຟຸກ, ຫົວໜ້າຄະນະຊີ້ນຳແລ້ວ, ເມື່ອຜັນຂະຫຍາຍແຜນຮ່າງຈະສ້າງເງື່ອນໄຂໃຫ້ພົນລະເມືອງປະຕິບັດບັນດາລະບຽບການບໍລິຫານຢ່າງງ່າຍດາຍທີ່ສຸດ.
“ຈຸດປະສົງໃຫຍ່ສຸດຂອງບັນດາອົງການແຫ່ງລັດແມ່ນສ້າງເງື່ອນໄຂອຳນວຍຄວາມສະດວກໃຫ້ແກ່ພົນລະເມືອງໃນການແກ້ໄຂລະບຽບການບໍລິຫານ, ເອກະສານຂອງປະຊາຊົນ. ນີ້ແມ່ນບັນຫາໃຫຍ່, ກ່ຽວຂ້ອງເຖິງທຸກຂັ້ນ, ທຸກຂະແໜງການ ດັ່ງນັ້ນຕ້ອງມີຄະນະຊີ້ນຳທີ່ມີຄວາມສາມາດຢ່າງພຽງພໍເພື່ອຜັນຂະຫຍາຍດ້ວຍຄວາມຮັບຜິດຊອບແມ່ນຕ້ອງປະຕິຮູບບໍລິຫານເພື່ອສ້າງເງື່ອນໄຂອຳນວຍຄວາມສະດວກໃຫ້ແກ່ປະຊາຊົນ. ນີ້ແມ່ນການປະຕິວັດກ່ຽວກັບການຄຸ້ມຄອງພົນລະເມືອງຢູ່ປະເທດເຮົາຢ່າງແທ້ຈິງ. ນີ້ກໍ່ແມ່ນປະຖົມປັດໄຈເພື່ອສ້າງລັດຖະບານເອເລັກໂຕນິກ ກໍ່ຄືສ້າງເງື່ຶອນໄຂໃຫ້ແກ່ພົນລະເມືອງ, ສົມກັບທຳນຽມສາກົນຄືບັນດາປະເທດພັດທະນາພວມປະຕິບັດ”
ຕາມຄຳຮຽກຮ້ອງຂອງແຜນຮ່າງແລ້ວ, ຮອດໝົດປີ 2015 ຕ້ອງສ້າງສູນຮັກສາຂໍ້ມູນເອກະສານ ແລະ ສ້າງພື້ນຖານໂຄງລ່າງເຕັກນິກຢູ່ຂັ້ນຕາແສງໃນທົ່ວປະເທດ. ຍອດຈຳນວນເງິນລົງທຶນຂອງແຜນຮ່າງແມ່ນປະມານ 3.500 ຕື້ດົ່ງ.