(ພາບ:vietnamplus.vn)
(VOV)- ພາຍຫຼັງໄດ້ດຳເນີນການໂຕ້ວາທີຢ່າງແຮງໃນເວລາ 2 ອາທິດ, ວັນທີ 8/12, ກອງປະຊຸມຄັ້ງທີ 18, ສົນທິສັນຍາແມ່ກ່ຽວກັບການປ່ຽນແປງຂອງດິນຟ້າອາກາດ (COP-18) ໄດ້ອັດລົງຢູ່ນະນະຫຼວງໂດຮາ ປະເທດກາຕາ ດ້ວຍຄຳໝັ້ນສັນຍາຕໍ່ກຳນົດເວລາໃຫ້ອະນຸສັນຍາກຽວໂຕ ຮອດປີ 2020. ຕາມຂໍ້ໃຫ້ສັງເກດຂອງບັນດານັກສັງເກດການແລ້ວ, ໄຊຊະນະນີ້ຖືກຖືວ່າມີລັກສະນະສັນຍາລັກສຳລັບຄວາມມານະພະຍາຍາມຂອງໂລກກ່ຽວກັບການການຕ້ານປ່ຽນແປງຂອງດິນຟ້າອາກາດ. ໝາກຜົນນີ້ຂອງກອງປະຊຸມຖືກຖືວ່າແມ່ນບາດກ້າວເດີນສຳຄັນ ກ້າວໄປເຖິງຂໍ້ຕົກລົງສາກົນສະບັບໃໝ່ຂອງ ສປຊ. ທ່ານເລຂາທິການໃຫ່ຍ ສປຊ ບານກີມູນ ຕີລາຄາວ່າ: ນີ້ແມ່ນບາດກ້າວເດີນສຳຄັນທຳອິດ ແຕ່ທ່ານຍັງເນັ້ນໜັກວ່າ ໂລກຍັງມີວຽກງານຫຼາຍຢ່າງຕ້ອງປະຕິບັດ.
ກ່ຽວກັບເລື່ອງໜູນຊ່ວຍດ້ານການເງິນໃຫ້ແກ່ບັນດາປະເທດທຸກຍາກ ເພື່ອຮັບມືກັບສະພາບການໜ່ວຍໂລກອຸ່ນຂຶ້ນ ແລະ ຫັນປ່ຽນໄປພື້ນຖານເສດຖະກິດນຳໃຊ້ບັນດາພະລັງຜະລິດຄືນໃໝ່, ຕິດພັນກັບສິ່ງແວດລ້ອມນັ້ນ, ບັນດາປະເທດອາເມລິກາ, ອັງກິດ, ເຢຍລະມັນ, ຝະລັ່ງ, ຊູແອດ…ໃຫ້ຄຳໝັ້ນສັນຍາສືບຕໍ່ອຸປະຖຳໃຫ້ແກ່ບັນດາປະເທດທຸກຍາກ ແຕ່ບໍ່ຍົກອອກຈຳນວນເງິນລະອຽດເທື່ອ.