ກອງປະຊຸມຂ່າວ ກ່ຽວກັບໝາກຜົນ ຂອງຄະນະຜູ້ແທນ ຫວຽດນາມ ເຂົ້າຮ່ວມ COP 17
ຫວຽດນາມ ຮ່ວມມືກັບປະຊາຄົມໂລກເພີ່ອຮັບມືຢ່າງແໜ້ນແຟ້ນກັບການປ່ຽນແປງຂອງດິນຟ້າອາກາດທົ່ວໂລກ. ນີ້ແມ່ນຄຳຢືນຢັນຂອງ ຫວຽດນາມ ຢູ່ທີ່ກອງປະຊຸມຄັ້ງທີ່ 17 ບັນດາຝ່າຍທີ່ເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ ( COP 17), ກອງປະຊຸມຄັ້ງທີ 7 ບັນດາຝ່າຍທີ່ເຂົ້າຮ່ວມສົນທິສັນຍາ Kyoto ( CMP 7), ເຊິ່ງດຳເນີນໄປແຕ່ວັນທີ 28 ພະຈິກ ຫາ 11 ທັນວາ ຢູ່ນະຄອນ ດູບານ ປະເທດ ອາເມລິກາໃຕ້. ທ່ານຮອງລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຍຽດນາມ ເຈີນຮົ່ງຮ່າ ໄດ້ແຈ້ງໃຫ້ຊາບຄືດັ່ງກ່າວໃນກອງປະຊຸມຂ່າວກ່ຽວກັບໝາກຜົນຂອງຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ 2 ຄັ້ງໃນວັນທີ່ 15 ທັນວາ ຢູ່ຮ່າໂນ້ຍນີ້. ທ່ານ ເຈີນຮົ່ງຮ່າ ຮອງລັດຖະມົນຕີ, ກະຊວງຊັບພະຍາກອນ ແລະ ສິ່ງແວດລ້ອມ, ຫົວໜ້າຄະນະຜູ້ແທນ ຫວຽດນາມ ໄດ້ມີບົດກ່າວປາໄສຢູ່ທີ່ເວລະປະຊຸມຂັ້ນສູງຂອງກອງປະຊຸມ. ບົດກ່າວປາໄສໄດ້ຮັບການສະໜັບສະໜູນຈາກຜູ້ແທນສາກົນຫຼາຍທ່ານ.
ທ່ານຮອງລັດຖະມົນຕີ ເຈີນຮົ່ງຮ່າ ກໍ່ໃຫ້ຮູ້ວ່າໂຄງການສິ່ງແວດລ້ອມ ສປຊ ( UNDP ) ໄດ້ກ່ຽມພ້ອມໃຫ້ການຊ່ວຍເຫຼືອລ້າ, ໜູນຊ່ວຍດ້ານເຕັກນິກເພື່ອຊ່ວຍ ຫວຽດນາມ ຜັນຂະຫຍາຍດ້ານລະບຽບກະກ່ຽມສ້າງແຈ້ງການແຫ່ງຊາດຄັ້ງທີ່ 3 ໃຫ້ແກ່ສົນທິສັນຍາການປ່ຽນແປງຂອງດິນຟ້າອາກາດໃນຕົ້ນປີ 2012.
“ ນັບແຕ່ຫົວທີ່ທະນາຄານໂລກ ແລະ ໂຄງການສິ່ງແວດລ້ອມ ສປຊ ( UNDP ) ໄດ້ຈັດການຝຶກອົບຮົມໃຫ້ແກ່ບັນດາສະມາຊິກໃນຄະນະຜູ້ແທນ ຫວຽດນາມ ຍົກສູງກຳລັງ, ຄວາມສາມາດໃນການເຈລະຈາ ແລະ ບັນດາຂໍ້ມູນຂ່າວສານທີ່ກ່ຽວຂ້ອງ. ໃນກອງປະຊຸມ UNDP ໄດ້ເຊີນບັນດາສຳນັກງານ, ອົງການທີ່ບໍ່ຂື້ນກັບລັດຖະບານ, ໃນນັ້ນມີ ຫວຽດນາມ ເພື່ອແລກປ່ຽນບົດຮຽນ. ອາດຈະເວົ້າໄດ້ວ່າ, ຄະນະຜູ້ແທນ ຫວຽດນາມ ໄດ້ຣັບການຊ່ວຍເຫຼືອຈາກທະນາຄານໂລກ, UNDP, ອົງການຕ່າງໆຢ່າງຕັ້ງໜ້າ ແລະ ມີປະສິດທິຜົນ. ບັນດາຄະນະຜູ້ແທນຂອງລັດຖະບານອື່ນໆກໍ່ພ້ອມກັບ ຫວຽດນາມ ແບ່ງປັນບົດຮຽນ, ສະໜັບສະໜູນ ຫວຽດນາມ ໃນບັນຫາຕ່າງໆທີ່ ຫວຽດນາມ ໄດ້ຍົກອອກມາ ” .