(vovworld) - ຕອນເຊົ້າວັນທີ 17/09 ຢູ່ຮ່າໂນ້ຍ, ຄະນະຊີ້ນຳການປະຕິຮູບຕຸລາການສູນກາງ ໄດ້ຈັດກອງປະຊຸມຄັ້ງທີ 1, ປຶກສາຫາລື, ໃຫ້ຄຳເຫັນກ່ຽວກັບກົດລະບຽບການເຮັດວຽກຂອງ ຄະນະຊີ້ນຳການປະຕິຮູບຕຸລາການສູນກາງ ອາຍຸການ 2016 – 2021 ແລະ ໜ້າທີ່ຈຸດສຸມໃນການປະຕິຮູບຕຸລາການໄລຍະ 2016 – 2020. ກ່າວຄຳເຫັນໄຂກອງປະຊຸມ, ທ່ານປະທານປະເທດ ເຈີນດ້າຍກວາງ, ຫົວໜ້າຄະນະຊີ້ນຳການປະຕິຮູບຕຸລາການສູນກາງ ໃຫ້ຮູ້ວ່າ, ໃນຕໍ່ໜ້າຕ້ອງກຳແໜ້ນບັນດາໜ້າທີ່ຈຸດສຸມຄື: ຕັ້ງໜ້າຊີ້ນຳການສຳຫຼວດກວດກາ, ຄົ້ມຄວ້າ, ປັບປຸງ, ເພີ່ມເຕີ່ມປະມວນກົດໝາຍອາຍາ ແລະ ສ້າງບັນດາເອກະສານແນະນຳການປະຕິບັດບັນດາປະມວນກົດໝາຍ, ກົດໝາຍກ່ຽວກັບການການດຳເນີນຄະດີສະບັບໃໝ່ ເຊິ່ງສະພາແຫ່ງຊາດຫາກໍ່ຮັບຮອງເອົາ; ຮີບເຮັ່ງປະຕິບັດສຳເລັດການຈັດຕັ້ງ, ຊັບຊ້ອນກົງຈັກບັນດາອົງການທີ່ໄດ້ຮັບມອບໝາຍໜ້າທີ່ປະຕິບັດການເຄື່ອນໄຫວຕຸລາການ; ປະຕິບັດການຈັດແບ່ງໜ້າທີ່ໃຫ້ເປັນຢ່າງດີ, ສົມທົບກັນ ແລະ ກວດກາລະຫວ່າງບັນດາອົງການ, ອົງການຈັດຕັ້ງໃນການປະຕິບັດ, ໜ້າທີ່ທີ່ໄດ້ຮັບມອບໝາຍ…
ທີ່ກອງປະຊຸມ, ສະມາຊິກຄະນະຊີ້ນຳໄດ້ປຶກສາຫາລື, ໃຫ້ຄຳເຫັນໃສ່ກົດລະບຽບການເຮັດວຽກຂອງຄະນະຊີ້ນຳການປະຕິຮູບຕຸລາການສູນກາງອາຍຸການ 2016 – 2021 ແລະ ບັນດາໜ້າທີ່ຈຸດສຸມວຽກງານປະຕິຮູບຕຸລາການໄລຍະ 2016 – 2020.