(vovworld) - ກອງປະຊຸມຄັ້ງທີ 11 ຂອງຄະນະປະຈຳສະພາແຫ່ງຊາດຊຸດທີ 13 ຈະຖືກໄຂຂຶ້ນໃນວັນທີ 12/9/2012 ແລະ ຈະດຳເນີນໄປເປັນ 2 ຄັ້ງ: ຄັ້ງທີ່ໜຶ່ງແຕ່ວັນທີ 12 – 19/9/2012 ແລະ ຄັ້ງທີ 2 ແຕ່ວັນທີ 24 – 26/9/2012. ຕາມລາຍການຂອງກອງປະຊຸມ, ຄະນະປະຈຳສະພາແຫ່ງຊາດຈະໃຫ້ຄຳເຫັນກ່ຽວກັບແຜນຮ່າງຂັ້ນຕອນ, ລະບຽບການ, ວິທີການປະຕິບັດການຮັບເອົາບັດໄວ້ວາງໃຈຕໍ່ຜູ້ຮັກສາຕຳແໜ່ງໂດຍສະພາແຫ່ງຊາດ, ສະພາປະຊາຊົນເລືອກຕັ້ງ ຫຼື ໃຫ້ສັດຕະຍາບັນ. ພ້ອມກັນນັ້ນ, ປຶກສາຫາລືບົດລາຍງານການຕິດຕາມກວດກາການປະຕິບັດນະໂຍບາຍ, ກົດໝາຍກ່ຽວກັບທີ່ດິນປຸກສ້າງ, ດິນເພື່ອທຳການຜະລິດໃຫ້ແກ່ປະຊາຊົນບັນດາເຜົ່າສ່ວນໜ້ອຍ, ປະຕິບັດນະໂຍບາຍ, ກົດໝາຍກ່ຽວກັບການແກ້ໄຂການຮ້ອງຟ້ອງ, ຮ້ອງທຸກຂອງພົນລະເມືອງທີ່ມີຕໍ່ບັນດາຂໍ້ຕົກລົງດ້ານບໍລິຫານກ່ຽວກັບທີ່ດິນ.
ຄະນະປະຈຳສະພາແຫ່ງຊາດ ຈະໃຫ້ຄຳຄິດຄຳເຫັນຕໍ່ບົດລາຍງານຂອງລັດຖະບານກ່ຽວກັບການປະຕິບັດ ກົດໝາຍວ່າດ້ວຍປະຕິບັດການປະຍັດ, ຕ້ານການຟຸມເຟືອຍປີ 2012; ກ່ຽວກັບວຽກງານປ້ອງກັນ, ຕ້ານໄພສໍ້ລາດບັງຫຼວງປີ 2012. ບາງເນື້ອໃນທີ່ສຳຄັນອື່ນໆ ຄື ແຜນການກວດສອບບັນຊີປີ 2013, ການກະກຽມໃຫ້ແກ່ກອງປະຊຸມສະໄໝສາມັນເທື່ອທີ 4 ສະພາແຫ່ງຊາດຫວຽດນາມຊຸດທີ 13 ກໍໄດ້ຍົກອອກມາເພື່ອປຶກສາຫາລື.