(vovworld) - ກອງປະຊຸມຄັ້ງທີ 24 ຂອງຄະນະປະຈຳສະພາແຫ່ງຊາດ ຄາດວ່າຈະດຳເນີນໄປແຕ່ວັນທີ 13 – 15/01. ທີ່ກອງປະຊຸມຄັ້ງທຳອິດຂອງປີ 2014, ຄະນະປະຈຳສະພາແຫ່ງຊາດ ຈະໃຫ້ຄຳເຫັນກ່ຽວກັບບັນດາບັນຫາໃຫຍ່ທີ່ຍັງມີຄວາມເຫັນແຕກຕ່າງກັນຂອງບັນດາຮ່າງກົດໝາຍຄື: ຮ່າງກົດໝາຍວ່າດ້ວຍການບັບປຸງ, ເພີ່ມເຕີ່ມບາງຂໍ້ມາດຕາຂອງກົດໝາຍວ່າດ້ວຍສາທາລະນະສຸກ; ກົດໝາຍວ່າດ້ວຍການສົມລົດ ແລະ ຄອບຄົວ (ສະບັບປັບປຸງ); ກົດໝາຍວ່າດ້ວຍການເຂົ້າອອກເມືອງ, ພັກຢູ່ອາໄສຂອງຊາວຕ່າງປະເທດຢູ່ຫວຽດນາມ; ກົດໝາຍວ່າດ້ວຍການບັບປຸງ, ເພີ່ມເຕີ່ມບາງຂໍ້ມາດຕາຂອງກົດໝາຍວ່າດ້ວຍຄົມມະນາຄົມທາງນຳ້ພາຍໃນປະເທດ... ຄະນະປະຈຳສະພາແຫ່ງຊາດ ກໍ່ໃຫ້ຄຳເຫັນກ່ຽວກັບບາງບັນຫາໃຫຍ່ຂອງກົດໝາຍວ່າດ້ວຍການຈັດຕັ້ງສະພາແຫ່ງຊາດ (ສະບັບປັບປຸງ) ເພື່ອຍື່ນສະເໜີທີ່ກອງປະຊຸມສະໄໝສາມັນເທື່ອທີ 7 ແລະ ຮ່າງປັບໄໝ ກ່ຽວກັບລະບຽບການພິຈາລະນາ, ຕົກລົງການນຳໃຊ້ບັນດາມາດຕະການລັດຖະບັນຍັດບໍລິຫານຢູ່ສານປະຊາຊົນ.
ທີ່ກອງປະຊຸມຄັ້ງນີ້, ຄາດວ່າ ຄະນະປະຈຳສະພາແຫ່ງຊາດຈະຮັບຮອງເອົາໂຄງການເຄື່ອນໄຫວການຕ່າງປະເທດປີ 2014 ຂອງບັນດາອົງການສະພາແຫ່ງຊາດ ແລະ ໃຫ້ຄຳເຫັນກ່ຽວກັບທິດທາງຈັດແບ່ງທຶນພັນທະບັດລັດຖະບານເພີ່ມເຕີມໄລຍະ 2014 – 2016.