ກອງປະຊຸມຄັ້ງທີ 5 ຂອງຄະນະກຳມາທິການລະຫວ່າງລັດຖະບານຫວຽດນາມ - ໂຮນລັງ
ກອງປະຊຸມຄັ້ງທີ 4 ຂອງຄະນະກຳມາທິການລະຫວ່າງລັດຖະບານຢູ່ຫວຽດນາມເມືອ່ປິ 2014 ຢູ່ໂຮນລັງ |
(vovworld)- ວັນທີ 30/3, ຢູ່ຮ່າໂນ້ຍ, ກະຊວງຊັບພະຍາກອນ ແລະ ສິ່ງແວດລ້ອມຫວຽດນາມໄດ້ສົມທົບກັບກະຊວງພື້ນຖານໂຄງລ່າງ ແລະ ສິ່ງແວດລ້ອມໂຮນລັງ ຈັດຕັ້ງກອງປະຊຸມຄັ້ງທີ 5 ຂອງຄະນະກຳມາທິການລະຫວ່າງລັດຖະບານຫວຽດນາມ-ໂຮນລັງ ກ່ຽວກັບການດັດປັບໃຫ້ແທດເໝາະກັບການປ່ຽນແປງຂອງດິນຟ້າອາກາດ ແລະ ຄຸ້ມຄອງນ້ຳ. ທີ່ວາລະປະຊຸມ, 2 ຝ່າຍໄດ້ແລກປ່ຽນກ່ຽວກັບວິວັດທະນາການປະຕິບັດບັນດາເນື້ອໃນທີ່ໄດ້ລົງນາມໃນຂອບເຂດຂໍ້ຕົກລົງໃນກອງປະຊຸມຄັ້ງທີ 4 ຂອງຄະນະກຳມາທິການລະຫວ່າງລັດຖະບານຢູ່ຫວຽດນາມເມືອ່ປິ 2014 ຢູ່ໂຮນລັງ; 2 ຝ່າຍໄດ້ແລກປ່ຽນການຮ່ວມມືໃນຂັ້ນຕໍ່ໄປຕາມຂອບເຂດຂອງໂຄງການ. ທ່ານລັດຖະມົນຕີວ່າການກະຊວງຊັບພະຍາກອນ ແລະ ສິ່ງແວດລ້ອມຫວຽດນາມ ຫງວຽນມິນຮ່ວາງ ເນັ້ນໜັກວ່າ ວາລະປະຊຸມຄັ້ງນີ້ໄດ້ຢືນຢັນຄຳໝັ້ນສັນຍາຢ່າງແຂງແຮງຂອງ 2 ລັດຖະບານຫວຽດນາມ ແລະ ໂຮນລັງ ຈະຮ່ວມມືຜັນຂະຫຍາຍຂໍ້ຕົກລົງຄູ່ຮ່ວມມືຍຸດທະສາດກ່ຽວກັບການດັດປັບໃຫ້ແທດເໝາະກັບການປ່ຽນແປງຂອງດິນຟ້າອາກາດ ແລະ ຄຸ້ມຄອງນ້ຳ ນັບແຕ່ເມື່ອລົງນາມໃນປີ 2010 ໃຫ້ເຂົ້າສູ່ລວງເລິກ ແລະ ແທດຈິງ