ຕອນເຊົ້າວັນທີ 10 ມັງກອນ, ຢູ່ນະຄອນ ໂຮ່ຈິມິງ ໄດ້ດຳເນີນກອງປະຊຸມຄັ້ງທີ 7 ຄະນະປະທານປະຊາຊົນສູນກາງແນວໂຮມປະເທດຊາດ ຫວຽດນາມ ຊຸດທີ 7. ໃນປີຜ່ານມາ, ບັນດາຂະບວນການແຂ່ງຂັນ, ບັ້ນຂົນຂວ້າຍຂອງຄະນະກຳມະການແນວໂຮມປະເທດຊາດ ຫວຽດນາມ ຂັ້ນຕ່າງໆ ແລະ ບັນດາອົງການສະມາຊິກນັບມື້ນັບໄດ້ຮັບການພັດທະນານັບທັງລວງກວ້າງ ແລະ ລວງເລິກ. ແນວໂຮມປະເທດຊາດໄດ້ມີການເຄື່ອນໄຫວຕ່າງໆທີ່ມີຄວາມໝາຍ, ມີຫົວຄິດປະດິດສ້າງ ແລະ ທັນການຄື, ແຕ່ງຕັ້ງຄະນະຜູ້ແທນ 54 ຊົນເຜົ່າອ້າຍນ້ອງໄປຢ້ຽມຢາມ, ລະດົມກຳລັງໃຈໃຫ້ແກ່ນັກຮົບຢູ່ເມືອງເກາະ ເຈື່ອງຊາ, ແຂວງ ແຂງຮ່ວາ ແລະ ຮ້ານເຈາະນຳມັນ DK1, ສະເໜີມາດຕະການເພື່ອໂຄສະນາການປົກປັກຮັກສາອະທິປະໄຕເຂດໝູ່ເກາະທະເລ. ພ້ອມກັບການຕອບສະໜອງໂຄງການກໍ່ສ້າງຊົນນະບົດໃໝ່ຢ່າງຕັ້ງໜ້າ, ປະຕິບັດບັ້ນຂົນຂວ້າຍ “ ຊາວ ຫວຽດນາມ ບຸລິມະສິດນຳໃຊ້ສິນຄ້າ ຫວຽດນາມ ”, ວຽກງານເຂົ້າຮ່ວມກໍ່ສ້າງພັກ, ອຳນາດການປົກຄອງທີ່ແນວໂຮມປະເທດຊາດຮັກສາເປັນປະຈຳ, ປະກອບສ່ວນເຂົ້າໃນວຽກງານເຫັນບັນດາແຜນນະໂຍບາຍ, ນະໂຍບາຍຂອງພັກກົດໝາຍລັດເປັນລະອຽດເຂົ້າໃນແຕ່ລະຂົງເຂດຂອງການ ດຳລົງຊີວິດຢ່າງຕັ້ງໜ້າ. ການເຄື່ອນໄຫວປະຊາຊົນກັບຕ່າງປະເທດໃນຂົງເຂດສັນຕິພາບ, ສາມັກຄີມິດຕະພາບ, ເປັນເຈົ້າການໃນການຮ່ວມມື, ປະກອບສ່ວນເພີ່ມທະວີສາຍພົວພັນມິດຕະພາບກັບເພື່ອນມິດທີ່ເປັນມູນເຊື້ອ ແລະ ບັນດາປະເທດຄູ່ຮ່ວມມືສຳຄັນຂອງ ຫວຽດນາມ.
ກ່ຽວກັບໂຄງການເຄື່ອນໄຫວໃນປີ 2012, ທ່ານ ວູຈ້ອງກິມ, ຮອງປະທານທັງເປັນເລຂາທິການໃຫຍ່ຄະນະກຳມະການສູນກາງແນວໂຮມປະເທດຊາດ ຫວຽດນາມ ໃຫ້ຮູ້ວ່າ.
“ປີ 2012, ແນວໂຮມປະເທດຊາດ ຫວຽດນາມ ສືບຕໍ່ເອົາໃຈໃສ່ຊາບຊືບບັນດາແຜນນະໂຍບາຍ, ແນວທາງ, ນະໂຍບາຍຂອງພັກ, ແນວຄິດ ໂຮ່ຈິມິນ ກ່ຽວກັບຄວາມສາມັກຄີທົ່ວປວງຊົນ ແລະ ແນວໂຮມແຫ່ງຊາດເອກະພາບ ຫວຽດນາມ. ທີ 2 ແມ່ນສືບຕໍ່ປະຕິບັດບັ້ນຂົນຂວ້າຍ “ ຮໍ່າຮຽນແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈິມິນ ” ໃນປະຊາຊົນທຸກຊັ້ນວັນນະ, ກວດກາການປະຕິບັດມາດຖານຄຸນສົມບັດ, ວິຖີຊີວິດເພື່ອໃຫ້ພະນັກງານ, ສະມາຊິກພັກ ແລະ ພະນັກງານໃນທົ່ວລະບົບຕ້ອງເຊີດຊູແບບຢ່າງຮໍ່າຮຽນ ແລະ ປະຕິບັດຕາມແນວຄິດຄຸນສົມບັດປະທານ ໂຮ່ຈິມິນ ” .