(vovworld) - ຕອນເຊົ້າວັນທີ 22/9, ຢູ່ນະຄອນ Da Lat, ແຂວງ Lam Dong, ຂອງຫວຽດນາມ, ກຳມາທິການວັດນະນະທຳ, ສຶກສາ, ຊາວໜຸ່ມເຍົາວະຊົນ ແລະ ອານຸຊົນຂອງສະພາແຫ່ງຊາດຫວຽດນາມ ໄດ້ຈັດກອງປະຊຸມຄົບຄະນະຄັ້ງທີ 3. ກອງປະຊຸມໄດ້ປຶກສາຫາລືກ່ຽວກັບ 3 ບັນຫາໃຫຍ່ນັ້ນແມ່ນ: ຮ່າງບົດລາຍງານອະພິປາຍ ຮັບເອົາຄຳເຫັນຂອງຄະນະປະຈຳສະພາແຫ່ງຊາດ ກ່ຽວກັບຮ່າງກົດໝາຍວ່າດ້ວຍການພິມຈຳໜ່າຍສະບັບປັບປຸງ, ໝາກຜົນການເຄື່ອນໄຫວຂອງກຳມາທິການພາຍຫຼັງກອງປະຊຸມສະໄໝສາມັນເທື່ອທີ 3 ຮອດກອງປະຊຸມສະໄໝສາມັນເທື່ອທີ 4 ສະພາແຫ່ງຊາດຫວຍດນາມຊຸດທີ 13 ແລະ ແຜນການເຄື່ອນໄຫວຮອດທ້າຍປີ 2012; ໝາກຜົນການຕິດຕາມກວດກາສຳລັບ “ການປະຕິບັດນະໂຍບາຍ, ກົດໝາຍສຳລັບຊາວໜຸ່ມຕະລຸມບອນ, ຊາວໜຸ່ມອາສາສະໝັກເຂົ້າຮ່ວມການຕໍ່ສູ້, ປົກປັກຮັກສາປະເທດຊາດ ແລະ ພັດທະນາເສດຖະກິດສັງຄົມ”. ຕາມໝາກຜົນຂອງການຕິດຕາມກວດກາຂອງກຳມາທິການແລ້ວ, ສະເພາະນະໂຍບາຍຕໍ່ຊາວໜຸ່ມຕະລຸມບອນ, ຊາວໜຸ່ມອາສາສະໝັກເຂົ້າຮ່ວມການຕໍ່ສູ້, ປົກປັກຮັກສາປະເທດຊາດ ແລະ ພັດທະນາເສດຖະກິດສັງຄົມກ່ຽວກັບລະດັບເງິນອຸດໜູນຍັງຕໍ່າຢູ່, ນະໂຍບາຍຕໍ່ຊາວໜຸ່ມຕະລຸມບອນຍັງບໍ່ທັນມີເອກະສານແນະນຳຢ່າງລະອຽດ ເຮັດໃຫ້ທ້ອງຖິ່ນຕ່າງໆປະສົບຄວາມຫຍຸ້ງຍາກໃນການຜັນຂະຫຍາຍການປະຕິບັດ. ສ່ວນສຳລັບຊາວໜຸ່ມອາສາສະໝັກ, ປະຈຸບັນຍັງບໍ່ທັນມີນະໂຍບາຍຢ່າງລະອຽດ, ໜູນຊ່ວຍ, ສ້າງເງື່ອນໄຂສະດວກເພື່ອເຂົ້າຮ່ວມບັນດາການເຄື່ອນໄຫວອາສາສະໝັກ…ຜ່ານຄຳເຫັນປະກອບຂອງບັນດາຜູ້ແທນ, ກຳທາທິການວັດທະນະທຳ, ສຶກສາ, ຊາວໜຸ່ມເຍົາວະຊົນ ແລະ ອະນຸຊົນຂອງສະພາແຫ່ງຊາດຫວຽດນາມ ໄດ້ຮັບເອົາຄຳເຫັນ ແລະ ສ້າງບັນດາບົດລາຍງານໝາກຜົນການຕິດຕາມກວດກາຕໍ່ 3 ບັນຫາໃຫຍ່ທີ່ກອງປະຊຸມໃຫ້ສົມບູນແບບ ເພື່ອຍື່ນສະເໜີຕໍ່ບັນດາອົງການທີ່ມີໜ້າທີ່ປັບປຸງ, ເພີ່ມເຕີ່ມເຂົ້າໃນເອກະສານກົດໝາຍ.