(vovworld) - ຕອນເຊົ້າວັນທີ 12/8, ທີ່ຫຼວງພະບາງ, ກອງປະຊຸມຄະນະກຳມາທິການຮ່ວມມືລະຫວ່າງຫວຽດນາມ - ລາວ ອັດລົງຢ່າງຈົບງາມ. ສອງຄະນະຜູ້ແທນຂັ້ນສູງ ຄະນະກຳມາທິການຮ່ວມມືຂອງລັດຖະບານຫວຽດນາມ ແລະ ລາວ ໄດ້ລົງນາມໃນບັນດາສັນຍາຮ່ວມມືໃໝ່ໃນຫຼາຍຂົງເຂດ. ເຂົ້າຮ່ວມພິທີລົງນາມມີທ່ານຮອງນາຍົກລັດຖະມົນຕີຫວຽດນາມ Nguyen Xuan Phuc, ປະທານຄະນະກຳມາທິການຮ່ວມມືຫວຽດນາມ - ລາວ; ທ່ານຮອງນາຍົກລັດຖະມົນຕີລາວ ສົມສະຫວາດ ເລັ່ງສະຫວັດ, ປະທານຄະນະກຳມາທິການຮ່ວມມືລາວ - ຫວຽດນາມ, ທ່ານເອກອັກຄະລັດຖະທູດຫວຽດນາມ ປະຈຳລາວ Ta Minh Chau ພ້ອມກັບເຈົ້າໜ້າທີ່ຂັ້ນສູງຂອງສອງປະເທດລາວ ແລະ ຫວຽດນາມອີກຫຼາຍທ່ານ.
ກອງປະຊຸມຄະນະກຳມາທິການຮ່ວມມືລະຫວ່າງລັດຖະບານຫວຽດນາມ - ລາວ ຄັ້ງນີ້ ມີຄວາມໝາຍສຳຄັນຍິ່ງໃນສະພາບທີ່ສອງພັກ, ສອງລັດ ແລະ ປະຊາຊົນສອງປະເທດພວມມີບັນດາການເຄື່ອນໄຫວຢ່າງແທດຈິງ, ມີຊີວິດຊີວາ, ຂໍ່ານັບຊົມເຊີຍປີສາມັກຄີມິດຕະພາບຫວຽດນາມ - ລາວ, ສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ, 35 ປີແຫ່ງວັນເຊັ່ນສົນທິສັນຍາມິດຕະພາບຫວຽດນາມ - ລາວ. ທີ່ກອງປະຊຸມ, ສອງຝ່າຍໄດ້ເຫັນດີເນື້ອໃນບົດບັນທຶກຮ່ວມມືໃນໄລຍະຈະມາເຖິງ ເພື່ອແນໃສ່ເພີ່ມທະວີບັນດາມາດຕະການ ເພື່ອການຮ່ວມມືນັບມື້ນັບເຂົ້າສູ່ລວງເລິກ, ມີປະສິດທິຜົນ ແລະ ແທດຈິງ, ສົມກັບສາຍພົວພັນແບບພິເສດລະຫວ່າງສອງພັກ, ສອງລັດ ແລະ ປະຊາຊົນສອງປະເທດ, ຊຸກຍູ້ການພັດທະນາຂອງແຕ່ລະປະເທດ, ພ້ອມກັນຢືນຢັນທີ່ຕັ້ງບົດບາດໃນພາກພື້ນ ແລະ ເວທີສາກົນ. ທ່ານຮອງນາຍົກລັດຖະມົນຕີ Nguyen Xuan Phuc ແລະ ທ່ານຮອງນາຍົກລັດຖະມົນຕີລາວ ສົມສະຫວາດ ເລັ່ງສະຫວັດ ໄດ້ເປັນສັກຂີພິຍານພິທີລົງນາມບັນດາເອກະສານ; ບົດບັນທຶກກອງປະຊຸມກາງສະໄໝປີ 2012; ຂໍ້ຕົກລົງຂັ້ນຕອນທົດລອງປະຕິບັດໂຄງການລົງທຶນກໍ່ສ້າງດ້ວຍທຶນຊ່ວຍເຫຼືອຂອງລັດຖະບານຫວຽດນາມ ໂດຍຝ່າຍລາວປະຕິບັດເຊິ່ງ ມີການສົມທົບຂອງລັດຖະບານຫວຽດນາມ…