(vovworld) - ວັນທີ 6/12, ເພື່ອເຂົ້າຮ່ວມ ແລະ ເປັນປະທານກອງປະຊຸມບັນດາຄະນະຊີ້ນຳເຂດຕາເວັນຕົກສ່ຽງເໜືອ, ເຂດໄຕງວຽນ, ເຂດຕາເວັນຕົກພາກໃຕ້ ດ້ວຍຫົວຂໍ້ກ່ຽວກັບການສຶກສາບຳລຸງສ້າງ, ສອນວິຊາຊີບ ແລະ ຍົກສູງຄຸນນະພາບແຫຼ່ງຊັບພະຍາກອນມະນຸດໃຫ້ 3 ເຂດ, ທ່ານຮອງນາຍົກລັດຖະມົນຕີ ວູວັນນິງ, ຫົວໜ້າຄະນະຊີ້ນຳເຂດຕາເວັນຕົກພາກໃຕ້ ໄດ້ຍ້ອງຍໍສັນລະເສີນບັນດາທ້ອງຖິ່ນທີ່ໄດ້ປະຕິບັດວຽກງານຍົກສູງຄຸນນະພາບການສຶກສາ ແລະ ຄຸນນະພາບແຫຼ່ງຊັບພະຍາກອນມະນຸດຕິດພັນກັບການປະຕິບັດວຽກງານຮັບປະກັນຊີວິດສັງຄົມ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກເປັນຢ່າງດີ. ແຕ່ທ່ານຮອງນາຍົກລັດຖະມົນຕີ ກໍເອົາໃຈໃສ່ວ່າ ປະຈຸບັນຄຸນນະພາບການສຶກສາລະຫວ່າງເຂດຕ່າງໆຍັງຜິດໂຕນກັນຫຼາຍ ເມື່ອທຽບໃສ່ລະດັບປານກາງ, ຄຸນນະພາບການສຶກສາຢູ່ຫຼາຍເຂດຍັງຕໍ່າຢູ່, ບໍ່ທັນຕອບສະໜອງຄວາມຮຽກຮ້ອງຕ້ອງການພັດທະນາລວມຂອງເຂດ ແລະ ທົ່ວປະເທດ. ເພື່ອແກ້ໄຂສະພາບດັ່ງກ່າວ, ທ່ານຮອງນາຍົກລັດຖະມົນຕີ ວູວັນນິງ ຊີ້ນ້ຳວ່າ.
“ໃນໄລຍະຈະມາເຖິງ, ກະຊວງສຶກສາ ແລະ ບຳລຸງສ້າງ ສົມທົບກັບບັນດາເຂດ ຕີລາຄາຢ່າງຖືກຕ້ອງ ແລະ ພາວະວີໄສ ສະພາບການຕົວຈິງຂອງຂະແໜງສຶກສາຢູ່ແຕ່ລະທ້ອງຖິ່ນ. ບົນພື້ນຖານນັ້ນຈະຍົກອອກຂໍ້ສັງເກດ, ຊອກຮູ້ເຫດຜົນຄຸນນະພາບການສຶກສານັບທັງສິ່ງທີ່ບັນລຸໄດ້ ແລະ ບໍ່ທັນບັນລຸໄດ້, ພ້ອມທັງຜັນຂະຫຍາຍການປະຕິບັດໂຄງການລວມຂອງຂະແໜງສຶກສາ ຕາມມະຕິ, ຄຳສັ່ງຊີ້ນຳ, ຂໍ້ສະຫຼຸບຂອງສູນກາງ ທີ່ມີຕໍ່ຂົງເຂດການສຶກສາ.”
ທີ່ກອງປະຊຸມ, ບັນດາຜູ້ແທນໄດ້ສຸມໃສ່ປຶກສາຫາລືກ່ຽວກັບນະໂຍບາຍ, ກົນໄກສະເພາະໃຫ້ແກ່ການບຳລຸງສ້າງແຫຼ່ງຊັບພະຍາກອນມະນຸດ ແລະ ສອນວິສາຊີບໃຫ້ແກ່ເຂດຕາເວັນຕົກສຽງເໜືອ, ເຂດໄຕຫງວຽນ ແລະ ເຂດຕາເວັນຕົກພາກໃຕ້.