(vovworld)- ຕອນເຊົ້າວັນທີ 18/1 ຢູ່ ຮ່າໂນ້ຍ, ສູນກາງສະພາກາແດງ ຫວຽດນາມ ໄດ້ຈັດຕັ້ງກອງປະຊຸມຄະນະບໍລິຫານງານຄັ້ງທີ 2 ຊຸດທີ 9. ກອງປະຊຸມໄດ້ປືກສາຫາລືກ່ຽວກັບກົດລະບຽບເຮັດວຽກຂອງຄະນະບໍລິຫານງານ, ຄະນະກວດກາສູນກາງສະພາກາແດງ, ແຜນການເຮັດວຽກຂອງຄະນະບໍລິຫານງານສູນກາງສະພາກາແດງຊຸດທີ 9 ແລະ ສະຫລຸບວຽກງານຂອງສະພາ, ຂະບວນການເຄື່ອນໄຫວສະພາກາແດງໃນປີ 2012, ກຳນົດໂຄງການປະຕິບັດງານປີ 2013. ເພື່ອຍົກສູງການເຄື່ອນໄຫວຂອງສະພາກາແດງໃນປີ 2013, ທ່ານ ດ່ວານວັນທາຍ, ຮອງປະທານ, ເລຂາທິການ ສູນກາງສະພາກາແດງ ຫວຽດນາມ ໃຫ້ຮູ້ວ່າ:
“ພວກຂ້າພະເຈົ້າສຸມໃສ່ເພີ່ມທະວີວຽກງານໂຄສະນາ ຜ່ານນັ້ນດຶງດູດປະຊາຊົນທຸກຊັ້ນວັນນະເຂົ້າຮ່ວມການເຄື່ອນໄຫວມະນຸດສະທຳ, ເພີ່ມທະວີການຂົນຂວາຍສ້າງກອງທຶນເພື່ອໃຫ້ສະພາກາແດງທຸກຂັ້ນເປັນເຈົ້າການກວ່າກ່ຽວກັບແຫລ່ງກຳລັງໃນການເຄື່ອນໄຫວມະນຸດສະທຳ. ຄຽງຄູ່ກັນນັ້ນ ແມ່ນປັບປຸງ, ຍົກສູງຄຸນນະພາບສະພາກາແດງເພື່ອໃຫ້ສະພາກາແດງ ຫວຽດນາມ ມີກຳລັງຄວາມສາມາດເປັນເຈົ້າການຮັບມືກັບສິ່ງທ້າທາຍຕ່າງໆຢູ່ຮາກຖານ ແລະ ເພີ່ມທະວີການປະສານສົມທົບກັບແນວໂຮມປະເທດຊາດ, ໝູ່ມະຫາຊົນ, ອົງການຈັດຕັ້ງສາກົນໃນການເຄື່ອນໄຫວມະນຸດສະທຳ.”