ກອງປະຊຸມຄະນະບໍລິຫານງານສູນກາງສະມາຄົມຊາວກະສິກອນຫວຽດນາມຄັ້ງທີ4(ຊຸດທີ6)
ກອງປະຊຸມຄະນະບໍລິຫານງານສູນກາງສະມາຄົມຊາວກະສິກອນຫວຽດນາມຄັ້ງທີ4(ຊຸດທີ6)
(vovworld) - ກ່າວຄຳເຫັນໄຂກອງປະຊຸມໃນຕອນເຊົ້າວັນທີ 16/7, ທ່ານ ຫງວຽນກວກເກື່ອງ, ປະທານສະມາຄົມຊາວກະສິກອນ ຫວຽດນາມ ໃຫ້ຮູ້ວ່າ: ໃນ 6 ເດືອນຕົ້ນປີ, ສະມາຄົມຊາວກະສິກອນທຸກຂັ້ນ ໄດ້ເພີ່ມທະວີວຽກງານໂຄສະນາ ເຜີຍແຜ່, ສຶກສາດ້ານການເມືອງ, ແນວຄິດ ເພື່ອສ້າງຄວາມເຫັນດີເຫັນພ້ອມສູງໃນໝູ່ພະນັກງານ, ສະມາຊິກ, ແຂ່ງຂັນກັນປະຕິບັດບັນດາແຜນນະໂຍບາຍ, ນະໂຍບາຍຂອງພັກ, ລັດ ກ່ຽວກັບກະສິກຳ - ຊາວກະສິກອນ - ຊົນນະບົດ. ສະມາຄົມທຸກຂັ້ນຕັ້ງໜ້າຮຽກຮ້ອງສະມາຊິກສະມາຄົມປະຕິບັດບັນດາແຜນນະໂຍບາຍຂອງພັກ ແລະ ລັດ ໃນການປົກປັກຮັກສາອະທິປະໄຕທະເລ, ໝູ່ເກາະ, ອະທິປະໄຕແຫ່ງຊາດ ແລະ ນະໂຍບາຍໜູນຊ່ວຍຊາວປະມົງໄປຫາປາໄກຝັ່ງ. ໃນໄລຍະຈະມາເຖິງ, ສະມາຄົມຊາວກະສິກອນ ສືບຕໍ່ຜັນຂະຫຍາຍຊາມຊຶມຄຳສັ່ງຊີ້ນຳຂອງກົມການເມືອງກ່ຽວກັບການຕິດຕາມກວດກາ ແລະ ໄຈ້ແຍກຕີລາຄາສັງຄົມ, ພ້ອມທັງສືບຕໍ່ປະກອບຄຳເຫັນກໍ່ສ້າງພັກ ແລະ ອຳນາດການປົກຄອງເພື່ອຊີ້ນຳຜັນຂະຫຍາຍໃນທົ່ວລະບົບສະມາຄົມເພື່ອບັນລຸໝາກຜົນດີທີ່ສຸດ.
ທີ່ກອງປະຊຸມ, ບັນດາຜູ້ແທນກໍ່ໄດ້ປຶກສາຫາລືຫຼາຍບັນຫາຄື: ຄຸນນະພາບອຸປະກອນກະສິກຳ, ນະໂຍບາຍຖອນທີ່ດິນຄືນ, ກົນໄກໜູນຊ່ວຍຊາວກະສິກອນໃນການຜະລິດກະສິກຳ.