ທ່ານນາງ ຫງວຽນທິແທງຮ່ວາ, ປະທານສະຫະພັນແມ່ຍິງຫວຽດນາມ
(vovworld) - ຕອນເຊົ້າວັນທີ 9/1, ຢູ່ ຮ່າໂນ້ຍ, ສູນກາງສະຫະພັນແມ່ຍິງຫວຽດນາມ ໄຂກອງປະຊຸມຄະນະບໍລິຫານງານຊຸດທີ 11 ຄັ້ງທີ 3 ເພື່ອແນໃສ່ຜັນຂະຫຍາຍບັນດາໜ້າທີ່ຂອງສະມາຄົມໃນໄລຍະຈະມາເຖິງ. ກ່ຽວກັບການເຄື່ອນໄຫວຂອງສະມາຄົມໃນປີ 2013, ທ່ານນາງ ຫງວຽນທິແທງຮ່ວາ, ປະທານສະຫະພັນແມ່ຍິງຫວຽດນາມໃຫ້ຮູ້ວ່າ:
“ຕາມແຜນການຂອງອາຍຸການແລ້ວ, ປີນີ້ມີວຽກງານຫຼາຍຢ່າງທີ່ຈະຕ້ອງເຮັດ ແລະ ມີຄວາມສຳຄັນຂອງອາຍຸການ ກໍຄືຂອງປີ 2013. ພິເສດແມ່ນຂອດບຸກທະລຸກ່ຽວກັບການຍົກສູງຄຸນນະພາບການເຄື່ອນໄຫວຂອງສະມາຄົມຂັ້ນຮາກຖານກໍຄືກຳລັງຄວາມສາມາດຂອງຖັນແຖວພະນັກງານ, ພິເສດແມ່ນຂັ້ນສູງກາງ, ຮາກຖານ, ຍົກສູງປະສິດທິຜົນວຽກງານລົບລ້າງຄວາມອຶດຫິວຫຼຸດຜ່ອນຄວາມທຸກຍາກ ແລະ ປ່ຽນໃໝ່ວຽກງານແຂງຂັນຍ້ອງຍໍຊົມເຊີຍ, ເຮັດແນວໃດເພື່ອໃຫ້ວຽກງານແຂງຂັນຍ້ອງຍໍຊົມເຊີຍ ກາຍເປັນກຳລັງໜູນໃນວຽກງານຂອງສະມາຄົມ”
ກ່າວຄຳເຫັນທີ່ກອງປະຊຸມ, ທ່ານນາງ ຮ່າທິຄຽດ, ຫົວໜ້າຄະນະຂົນຂວາຍປະຊາຊົນສູນກາງ ເນັ້ນໜັກວ່າ: ໃນໄລຍະຈະມາເຖິງ, ຂະບວນການສະມາຄົມແມ່ຍິງຄວນມະລັກສະນະລະອຽດ, ແທດຈິງກ່ວາອີກ, ສືບຕໍ່ຍູ້ແຮງການປະຕິບັດບັ້ນຂົນຂວາຍຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ ເຖິງສະມາຊິກສະມາຄົມແຕ່ລະຄົນ, ທະວີຄຸນບັນດາແບບຢ່າງທີ່ດີ, ຮູບແບບການເຄື່ອນໄຫວທີ່ມີປະສິດທິຜົນ ແລະ ເອົາໃຈໃສ່ເຖິງຂະບວນການຂົນຂວາຍປະຊາຊົນໃນວຽກງານກໍ່ສ້າງຊົນນະບົດໃໝ່.