(vovworld) – ກອງປະຊຸມທາບທາມຄວາມເຫັນບໍ່ເປັນທາງການຂັ້ນລັດຖະມົນຕີ ຫຼື ເອີ້ນວ່າກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ (COP 21) ຫາກໍດຳເນີນໄປຢູ່ປາຣີ, ປະເທດຝລັ່ງ ໃນລະຫວ່າງວັນທີ 08 – 11/11. ກ່າວຄຳເຫັນພາຍຫຼັງສິ້ນສຸດກອງປະຊຸມ, ວັນທີ 10/11, ທ່ານລັດຖະມົນຕີວ່າການກະຊວງການຕ່າງປະເທດຝລັ່ງ Laurent Fabius, ປະທານກອງປະຊຸມ COP 21 ໃຫ້ຮູ້ວ່າ, ກອງປະຊຸມຈັດກຽມບັນລຸໄດ້ບັນດາບາດກ້າວສຳຄັນ ແຕ່ຍັງມີວຽກງານຫຼາຍຢ່າງທີ່ຈະຕ້ອງເຮັດ ເພື່ອສາມາດບັນລຸໄດ້ຂໍ້ຕົກລົງມີລັກສະນະສັງລວມໃນເດືອນ 12 ຈະມາເຖິງຢູ່ປາຣີ. ທ່ານ Laurent Fabius ໄດ້ຮັບຮູ້ຄວາມຕັດສິນໃຈຂອງບັນດາຜູ້ແທນເພື່ອແນໃສ່ບັນລຸການປະນິປະນອມເພື່ອອາດຈະພາໄປເຖິງການລົງນາມເອກະສານສົມບູນແບບ, ເພື່ອທົດແທນອະນຸສັນຍາກຽວໂຕ ແນມໃສ່ໂຕ້ຕອບກັບການປ່ຽນແປງຂອງດິນຟ້າອາກາດທົ່ວໂລກ.