ກອງປະຊຸມທີ4ຂອງຄະນະປະຈຳສະພາແຫ່ງຊາດຊຸດທີ14
ກອງປະຊຸມທີ 4 ຂອງຄະນະປະຈຳສະພາແຫ່ງຊາດຊຸດທີ 14
(vovworld) - ຕອນບ່າຍວັນທີ 05/10, ກອງປະຊຸມທີ 4 ຂອງຄະນະປະຈຳສະພາແຫ່ງຊາດຊຸດທີ 14 ດຳເນີນໄປດ້ວຍເນື້ອໃນກ່ຽວກັບການຕິດຕາມກວດກາເລື່ອງແກ້ໄຂຂໍ້ສະເໜີແນະຂອງຜູ້ມີສິດເລືອກຕັ້ງ, ໝາກຜົນການຕ້ອນຮັບພົນລະເມືອງ, ແກ້ໄຂໃບສະເໜີ ແລະ ຕິດຕາມກວດກາການແກ້ໄຂຄຳຮ້ອງທຸກ, ຮ້ອງຟ້ອງຂອງພົນລະເມືອງທີ່ສົ່ງເຖິງກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຊຸດທີ 13. ຫລາຍບັນຫາເຄັ່ງຮ້ອນໃນຊີວິດເສດຖະກິດ - ສັງຄົມໄດ້ຖືກສະພາແຫ່ງຊາດໄຈ້ແຍກ ແລະ ຍົກໃຫ້ເຫັນບັນດາຂໍ້ຈຳກັດ, ພ້ອມທັງ ຮຽກຮ້ອງລັດຖະບານ, ບັນດາຂະແໜງການ, ທຸກຂັ້ນສືບຕໍ່ມີບັນດາມາດຕະການຍົກສູງການຄຸ້ມຄອງແຫ່ງລັດຢ່າງມີປະສິດທິຜົນ, ແກ້ໄຂບັນດາຄວາມຮຽກຮ້ອງຕ້ອງການ, ຂໍ້ສະເໜີແນະຂອງຜູ້ມີສິດເລືອກຕັ້ງໃຫ້ດີກ່ວາອີກ.
ຄຽງຂ້າງນັ້ນ, ບັນດາຜູ້ແທນທີ່ເຂົ້າຮ່ວມໄດ້ສະເໜີ, ລັດຖະບານປັບປຸງ ແລະ ປະກາດໃຊ້ກົດລະບຽບສົມທົບລະຫວ່າງບັນດາກະຊວງ, ຂະແໜງການໃນການແກ້ໄຂຂໍ້ສະເໜີແນະຂອງຜູ້ມີສິດເລືອກຕັ້ງກ່ຽວຂ້ອງເຖິງຫລາຍຂະແໜງການ, ຫລາຍຂົງເຂດໂດຍໄວ ເພື່ອຍົກສູງຄຸນນະພາບການແກ້ໄຂເທື່ອລະກ້າວກ່ວາອີກ. ລັດຖະບານຄວນຄົ້ນຄວ້າ ເພື່ອຮູບການແກ້ໄຂສຳລັບສ່ວນບຸກຄົນ, ອົງການຂຶ້ນກັບບັນດາຂະແໜງການ, ຂົງເຂດ ໃນກໍລະນີບໍ່ແກ້ໄຂບັນດາຂໍ້ສະເໜີແນະຂອງຜູ້ມີສິດເລືອກຕັ້ງໄດ້ຢ່າງຂາດຕົວ ຊຶ່ງໄດ້ປະໃຫ້ຜູ້ມີສິດເລືອກຕັ້ງສະເໜີຫລາຍເທື່ອ.