(vovworld) - ກອງປະຊຸມທົ່ວປະເທດກ່ຽວກັບການພັດທະນາວັດຖຸດິບເພື່ອຜະລິດຢາຫວຽດນາມ, ຖືກດຳເນີນໃນຕອນເຊົ້າວັນທີ 12/04, ຢູ່ແຂວງ ລາວກາຍ, ດ້ວຍການເຂົ້າຮ່ວມຂອງການນຳ 63 ແຂວງ, ນະຄອນໃນທົ່ວປະເທດ. ໃນບົດກ່າວປາໄສໄຂກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ການນຳບັນດາກະຊວງ, ຂະແໜງການ, ທ້ອງຖິ່ນຕ່າງໆຈົ່ງຊອກຫາບັນດາມາດຕະການແກ້ໄຂສິ່ງຈຳກັດ, ຂໍ້ຄົງຄ້າງຂອງຂະແໜງວັດຖຸດິບເພື່ອຜະລິດຢາພື້ມເມືອງຫວຽດນາມ ໃຫ້ໄດ້; ເປັນເອກະພາບນຳກັນບັນດາມາດຕະການແກ້ໄຂ ເພື່ອຕັດສິນໃຈນຳຂະແໜງຜະລິດຢາພັດທະນາຢ່າງແຮງ, ເສີມຂະຫຍາຍຄວາມສາມາດບົ່ມຊ້ອນ, ທ່າແຮງທີ່ມີມາກ່ອນນີ້ນັບພັນປີຂອງປະເທດຊາດ. ທ່ານນາຍົກລັດຖະມົນຕີຊີ້ແຈ້ງວ່າ, ໃນໄລຍະພັດທະນາໃໝ່, ຍາມໃດລັດຫວຽດນາມ ກໍ່ຢືນຢັນການແພດທັນສະໄໝສົມທົບກັບການແພດພື້ນເມືອງ. ດ້ວຍເງື່ອນໄຂທຳມະຊາດສະເພາະຂອງປະເທດຊາດ, ຫວຽດນາມ ມີຕົ້ນຢາຫາຍາກ 5.000 ຊະນິດ ສາມາດປິນປົວພະຍາດ, ຮັບໃຊ້ປະຊາຊົນ ແລະ ກ້າວໄປເຖິງການສົ່ງອອກ ນຳມາເຊິ່ງລາຍຮັບໃຫ້ພື້ນຖານເສດຖະກິດ. ບົນຈິດໃຈນັ້ນ, ທ່ານນາຍົກລັດຖະມົນຕີ ເນັ້ນໜັກວ່າ, ຈຸດໝາຍຂອງກອງປະຊຸມນີ້ແມ່ນປຶກສາຫາລືແຜນນະໂຍບາຍ, ມາດຕະການພັດທະນາວັດຖຸດິບເພື່ອຜະລິດຢາຫວຽດນາມ ໃຫ້ເໝາະສົມກັບຄວາມສາມາດບົ່ມຊ້ອນຂອງປະເທດຊາດ.