(vovworld) – ກອງປະຊຸມທາບທາມຄວາມເຫັນບໍ່ເປັນທາງການຂັ້ນລັດຖະມົນຕີກະກຽມໃຫ້ກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ (COP 21) ຖືກໄຂຂຶ້ນໃນຕອນບ່າຍວັນທີ 08/11, ຢູ່ປາຣີ, ປະເທດຝລັ່ງ ດ້ວຍການເຂົ້າຮ່ວມຂອງລັດຖະມົນຕີສິ່ງແວດລ້ອມ ແລະ ພະລັກງງານ 60 ທ່ານທີ່ມາຈາກຫຼາຍປະເທດສັງກັດທະວີບຕ່າງໆໃນໂລກ. ກອງປະຊຸມດຳເນີນໄປເປັນເວລາ 3 ວັນ, ພາຍໃຕ້ການເປັນປະທານຂອງທ່ານລັດຖະມົນຕີວ່າການກະຊວງການຕ່າງປະເທດຝລັ່ງ Laurent Fabius, ປະທານກອງປະຊຸມ COP 21 ແລະ ທ່ານລັດຖະມົນຕີວ່າການກະຊວງສິ່ງແວດລ້ອມເປຣູ Manuel Pulgar Vidal, ປະທານກອງປະຊຸມ COP 21.
ກ່າວຄຳເຫັນໄຂກອງປະຊຸມ, ທ່ານລັດຖະມົນຕີວ່າການກະຊວງການຕ່າງປະເທດຝລັ່ງ Laurent Fabius ໃຫ້ຮູ້ວ່າ, ການເຈລະຈາຕ່າງໆໃນເດືອນ 10 ຜ່ານມາຢູ່ເຢຍລະມັນ, ເຖິງວ່າບັນດາຝ່າຍຍັງມີຄວາມເຫັນແຕກຕ່າງກັນກໍຕາມ, ແຕ່ເບິ່ງລວມແລ້ວ, ບັນດາປະເທດໄດ້ເປັນເອກະພາບຕໍ່ຮ່າງເອກະສານເນື້ອໃນຕົ້ນຕໍ່ສະບັບໜຶ່ງໃຫ້ຂໍ້ຕົກລົງທີ່ມີລັກສະນະສັງລວມກ່ຽວກັບອາກາດ ເຊິ່ງຈະໄດ້ຮັບຮອງເອົາທີ່ກອງປະຊຸມ COP 21.