ກອງປະຊູມທາບທາມຄຳເຫັນດ້ານການເມືອງຄັ້ງທີ2ຫວຽດນາມ-Algeria
(ພາບ: TTXVN)
(vovworld) - ໂດຍປະຕິບັດຂໍ້ຕົກລົງລະຫວ່າງກະຊວງການຕ່າງປະເທດສອງປະເທດ, ກອງປະຊູມທາບທາມຄຳເຫັນດ້ານການເມືອງຄັ້ງທີ 2 ລະຫວ່າງ ຫວຽດນາມ ແລະ Algeria ຖືກຈັດຕັ້ງໃນວັນທີ 30/3 ຢູ່ນະຄອນຫຼວງ Algiers ປະເທດ Algeria. ຄະນະຜູ້ແທນ ຫວຽດນາມ ໂດຍທ່ານນາງຮອງລັດຖະມົນຕີກະຊວງການຕ່າງປະເທດ ຫງວຽນເຟືອງງາ ເປັນຫົວໜ້າຄະນະ ສ່ວນຝ່າຍ Algeria ແມ່ນທ່ານເລຂາທິການໃຫຍ່ກະຊວງການຕ່າງປະເທດ, Abdelhamid Senouci Bereksi. ສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການເມືອງ, ເສດຖະກິດ, ສັງຄົມຂອງແຕ່ລະປະເທດ ແລະ ແລກປ່ຽນບັນດາມາດຕະການເພື່ອຊູກຍູ້ການຮ່ວມມືລະຫວ່າງສອງປະເທດໃນໄລຍະຈະມາເຖີງຢ່າງເລີກເຊີ່ງ. ຫວຽດນາມ ແລະ Algeria ເຫັນດີເພີ່ມທະວີການ
ແລກປ່ຽນຄະນະຜູ້ແທນທຸກຂັ້ນ, ພິເສດແມ່ນຂັ້ນສູງ, ເພີ່ມທະວີການແລກປ່ຽນພົບປະປະຊາຊົນ, ເປີດກວ້າງການສຳຜັດລະຫວ່າງບັນດາວິສາຫະກິດ. ສອງຝ່າຍກໍ່ເຫັນດີເປັນເອກະພາບຕັ້ງໜ້າສົມທົບກັນ ແລະ ສະໜັບສະໜຸນເຊິ່ງກັນ ແລະ ກັນຢູ່ບັນດາເວທີປາໄສສາກົນ, ພ້ອມທັງແລກປ່ຽນກ່ຽວກັບບັນດາບັນຫາພາກພື້ນ ແລະ ສາກົນເຊີ່ງຕ່າງຝ່າຍຕ່າງມີຄວາມສົນໃຈ.
ໃນຂອບເຂດການຢ້ຽມຢາມ Algeria ຄັ້ງນີ້, ທ່ານນາງຮອງລັດຖະມົນຕີ ຫງວຽນເຟືອງງາ ໄດ້ເຂົ້າຢ້ຽມຄຳນັບທ່ານລັດຖະມົນຕີກະຊວງການຕ່າງປະເທດ Algeria, Lamtane Lamamra.