(ກອງປະຊຸມປະກອບຄຳເຫັນໃສ່ຮ່າງເອກະ
ສານກອງປະຊຸມໃຫຍ່ຄັ້ງທີ12ຂອງພັກຢູ່ລາວ)
(vovworld) – ວັນທີ 14/10 ສະຖານທູດ ຫວຽດນາມ ປະຈຳນະຄອນຫລວງ ວຽງຈັນ ປະເທດ ລາວ, ຈັດຕັ້ງກອງປະຊຸມປະກອບຄຳເຫັນໃສ່ຮ່າງເອກະສານກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ. ເຂົ້າຮ່ວມກອງປະຊຸມມີພໍ່ແມ່ປະຊາຊົນຊາວ ຫວຽດນາມ ພວມດຳລົງຊີວິດຢູ່ນະຄອນຫລວງ ວຽງຈັນ, ບັນດາວິສາຫະກິດ ຫວຽດນາມ ຢູ່ ລາວ, ພະນັກງານ, ພາລະກອນສະຖານທູດ ຫວຽດນາມ. ທ່ານ ຮ່ວາງຊວນຫາຍ ອັກຄະລັດຖະທູດ ສະຖານທູດ ຫວຽດນາມ ປະຈຳ ລາວ ໃຫ້ຮູ້ວ່າ: ໂດຍຜ່ານກອງປະຊຸມຄັ້ງນີ້ ໃຫ້ເຫັນວ່າ ພໍ່ແມ່ພີ່ນ້ອງຊາວ ຫວຽດນາມ ເບີດບານມວນຊື່ນ ແລະ ເຊື່ອໝັ້ນຕໍ່ກອງປະຊຸມໃຫຍ່ຄັ້ງທີ 12 ຂອງພັກ ຈະເລືອກຕັ້ງຄະນະນຳໃໝ່ມີຄວາມເກັ່ງກ້າສາມາດ ແລະ ຄຸນສົມບັດເພື່ອນຳພາປະເທດຊາດພັດທະນາ. ຊາວ ຫວຽນດາມ ອາໄສຢູ່ຕ່າງປະເທດປາດຖະໜາຢາກໃຫ້ ພັກ ແລະ ລັດ ຍູ້ແຮງການຫັນປະເທດຊາດເປັນອຸດສາຫະກຳ ແລະ ທັນສະໄໝ ແລະ ສືບຕໍ່ສ້າງນະໂຍບາຍອຳນວຍຄວາມສະດວກໃຫ້ຊາວ ຫວຽດນາມ ອາໄສຢູ່ຕ່າງປະເທດ ປະກອບສ່ວນສ້າງສາບ້ານເກີດເມືອງນອນຂອງຕົນ.