ກອງປະຊຸມໃຫຍ່ຜູ້ແທນທົ່ວປະເທດແນວໂຮມປະເທດຊາດຫວຽດນາມ ຄັ້ງທີ 7
ພາບ: mattran.org.vn
|
(vovworld)- ຕອນເຊົ້າວັນທີ 4/8, ຢູ່ ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດຕັ້ງກອງປະຊຸມປະກອບຄຳເຫັນໃສ່ຮ່າງເອກະສານກອງປະຊຸມໃຫຍ່ຜູ້ແທນທົ່ວປະເທດແນວໂຮມປະເທດຊາດຫວຽດນາມ ຄັ້ງທີ 8. ທ່ານ ເຈີນເຫົ້າ, ອະດີດບັນນາທິການໃຫຍ່ ວາລະສານແນວໂຮມ, ສັງກັດຄະນະກຳມະການສູນກາງແນວໂຮມປະເທດຊາດ ຫວຽດນາມ ຖືວ່າ: ກອງປະຊຸມໃຫຍ່ຄັ້ງນີ້ ຕ້ອງແມ່ນກອງປະຊຸມເຊີດຊູຄັນທຸງແຫ່ງມະຫາສາມັກຄີຊົນຊາດ.
“ຂ້າພະເຈົ້າສະເຫນີ ຄວນປະກາດໂຄງການມະຫາສາມັກຄີຊົນຊາດ ເພື່ອປະເທດຊາດຫວຽດນາມ ສັນຕິພາບ ປະຊາທິປະໄຕ ແລະ ຮັ່ງມີເຂັ້ມແຂງ. ນີ້ແມ່ນຄຳຮຽກຮ້ອງ ຊື່ງຂ້າພະເຈົ້າຄິດວ່າ ປະຊາຊົນຫວຽດນາມ ກວ່າ 90 ລ້ານຄົນປາດຖະຫນາ, ມູ່ງໄປສູ່ກອງປະຊຸມໃຫຍ່ເພື່ອຮັບຟັງສຽງເວົ້າ, ຮັບຟັງຄຳຮຽກຮ້ອງຂອງກອງປະຊຸມໃຫຍ່. ຂ້າພະເຈົ້າຖືວ່າ ໃນຈຸດເວລານີ້ ຕ້ອງການມີຖະແຫລງການກ່ຽວກັບມະຫາສາມັກຄີຊົນຊາດໃນສະພາບການໃຫມ່.”