ທະນາຄານການຄ້າ ລຽນຫວຽດ
ພາບ:baomoi.com
|
(vovworld)-ຕອນເຊົ້າວັນທີ 21/5, ສະຫະສະມາຄົມທະນາຄານ ປະຢັດ ແລະ ຂາຍຍ່ອຍ ໂລກ ( World Savings and Retail Banking Institute) ສົມທົບກັບທະນາຄານການຄ້າໄປສະນີ ລຽນຫວຽດຫຸ້ນສ່ວນ ໄດ້ຈັດຕັ້ງກອງປະຊຸມບັນດາທະນາຄານປະຢັດພາກພື້ນ ອາຊີ ປາຊີຟີກ ປະຈຳປີ ຄັ້ງທີ 20 ພາຍໃຕ້ຫົວຂໍ້ວ່າ: ຫັນບັນດາສິ່ງທ້າທາຍສຳພັດກັບການເງິນກາຍເປັນກາລະໂອກາດການດຳເນີນທຸລະກິດ”. ກອງປະຊຸມໄດ້ດຶງດູດການເຂົ້າຮ່ວມຂອງ 30 ທະນາຄານ, ບັນດາອົງການການເງິນມາຈາກ 20 ປະເທດ ທີ່ພວມເຄື່ອນໄຫວຢູ່ພາກພື້ນ ອາຊີ ປາຊີຟີກ. ຈຸດໝາຍຂອງກອງປະຊຸມ ແມ່ນຕີລາຄາບັນດາຜົນງານຂອງສະຫະສະມາຄົມທະນາຄານປະຢັດ ແລະ ຂາຍຍ່ອຍໂລກ ບັນລຸໄດ້ໃນ 90 ປີຜ່ານມາ, ປຶກສາຫາລືບັນດາບາດກ້າວພັດທະນາໃນຕະຫລາດທະນາຄານຂາຍຍ່ອຍພາກພື້ນ ອາຊີ ປາຊີຟີກ, ບັນດານະໂຍບາຍການເງິນ ກໍຄືແບ່ງປັນຂໍ້ລິເລີ່ມເພື່ອເປີດກວ້າງຂອບເຂດສະຫນອງບໍລິການການເງິນ,ນຳມາເຊິ່ງຜົນປະໂຫຍດໃຫ້ລູກຄ້າ.