ກອງປະຊຸມປະຈຳເດືອນ 10 ຂອງລັດຖະບານ ຫວຽດນາມ
(ແກ້ໄຂໜີ້ເສຍ)
(vovworld) – ກ່າວຄຳເຫັນໄຂກອງປະຊຸມປະຈຳເດືອນ 10 ຂອງລັດຖະບານຫວຽດນາມ ເມື່ອຕອນເຊົ້າວັນທີ 29/10, ທ່ານນາຍົກລັດຖະມົນຕີຫງວຽນເຕີນຢຸງ ຮຽກຮ້ອງບັນດາສະມາຊິກລັດຖະບານຕ້ອງວິເຄາະສະພາບເສດຖະກິດສັງຄົມ ແລະ ສຸມໃສ່ເຮັດແຈ້ງບາງບັນຫາພົ້ນເດັ່ນຂຶ້ນທີ່ກ່ຽວຂ້ອງເຖິງໜີ້ສາທາລະນະ ແລະ ໂຄງປະກອບລາຍຮັບລາຍຈ່າຍງົບປະມານ; ໜີ້ເສຍ ແລະ ມາດຕະການຄວບຄຸມ; ບັນດາມາດຕະການແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ; ຟື້ນຟູການຜະລິດດຳເນີນທຸລະກິດ. ທ່ານນາຍົກລັດຖະມົນຕີຫງວຽນເຕີນຢຸງ ສະເໜີບັນດາສະມາຊິກລັດຖະບານຕ້ອງເຮັດແຈ້ງລັກສະນະປະສິດທິຜົນໃນການນຳໃຊ້ບັນດາແຫຼ່ງທຶນກູ້ຢືມ ແລະ ຄວາມສາມາດໃຊ້ໜີ້ ໄປຄຽງຄູ່ກັບການປະຕິບັດຈຸດໝາຍຄວບຄຸມໜີ້ສາທາລະນະໃນຊຸມປີຕໍ່ໄປ. ກ່ຽວກັບການແກ້ໄຂຫນີ້ເສຍ, ທ່ານນາຍົກລັດຖະມົນ ຕີຫງວຽນເຕີນຢຸງ ຖືວ່າ, ນີ້ແມ່ນບັນຫາທີ່ລັດຖະບານປຶກສາຫາລືຫຼາຍເທື່ອແລ້ວ, ນັບແຕ່ຕົ້ນປີ, ລັດຖະບານໄດ້ປະຕິບັດແຜນນະໂຍບາຍສ້າງໂຄງປະກອບທະນາຄານຄືນໃໝ່ຢ່າງຂ້ຽວຂາດ ຕິດພັນກັບການແກ້ໄຂໜີ້ເສຍ.
ທ່ານນາຍົກລັດຖະມົນຕີຫງວຽນເຕີນຢຸງ ຍັງສະເໜີບັນດາກະຊວງຂະແໜງການລາຍງານໂດຍລະອຽດກ່ຽວກັບສະພາບບັນດາວິສາຫະກິດໃນ 10 ເດືອນຜ່ານມາຕິດພັນກັບບັນດາຄວາມຫຍຸ້ງຍາກ, ສິ່ງທ້າທາຍຊື່ງບັນດາວິສາຫະກິດຕ້ອງປະເຊີນໜ້າໃນໄລຍະຈະມາເຖິງ./.