ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູງຫາຍ
ໄດ້ເປັນປະທານກອງປະຊຸມ
(ພາບ: chinhphu.vn) (vovworld) - ຕອນເຊົ້າວັນທີ 04/04, ຢູ່ດ່ານັ້ງ, ຄະນະຊີ້ນຳການປ້ອງກັນແລະ ຕ້ານພະຍຸນ້ຳຖ້ວມສູນກາງ, ຄະນະກຳມະການແຫ່ງຊາດກ່ຽວກັບການຊອກຫາກູ້ໄພກູ້ຊີບ, ໄດ້ຈັດກອງປະຊຸມສະຫຼຸບວຽກງານປ້ອງກັນຕ້ານພະຍຸນ້ຳຖ້ວມປີ 2013, ຜັນຂະຫຍາຍວຽກງານປ້ອງກັນຕ້ານພະຍຸນ້ຳຖ້ວມ ປີ 2014. ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູງຫາຍ ໄດ້ເປັນປະທານກອງປະຊຸມ.
ກອງປະຊຸມໃຫ້ຂໍ້ສັງເກດວ່າ, ປີ 2013 ບັນດາທ້ອງຖິ່ນໄດ້ເປັນເຈົ້າການຜັນຂະຫຍາຍວຽກງານປ້ອງກັນ, ຈັດຕັ້ງການຮັບມື ແລະ ແກ້ໄຂຜົນຮ້າຍຈາກໄພທຳມະຊາດຢ່າງຮອບດ້ານ. ຄາດວ່າ, ປີ 2014 ຈະມີພະຍຸ 9 – 10 ລູກ ແລະ ຄວາມດັ່ນອາກາດຕໍ່າພວມເຄື່ອນໄຫວບົນທະເລຕາເວັນອອກ, ໃນນັ້ນມີພະຍຸ 4 – 5 ລູກຈະສົ່ງຜົນສະທ້ອນໂດຍກົງເຖິງຫວຽດນາມ. ສະນັ້ນ, ເພື່ອແນໃສ່ເປັນເຈົ້າການຮັບມືກັບໄພທຳມະຊາດໃນປີ 2014, ທ່ານຮອງນາຍົກລັດຖະມົນຕີ ຫວ່າງຈູງຫາຍ, ຫົວຫນ້າຄະນະຊີ້ນຳການປ້ອງກັນຕ້ານພະຍຸນ້ຳຖ້ວມສູນກາງ ສະເໜີໃຫ້ບັນດາຂະແໜງການ, ທ້ອງຖິ່ນ ຕ້ອງປະຕິບັດທິດທາງ “ເປັນເຈົ້າການປ້ອງກັນ, ຮັບມືຢ່າງທັນການ, ແກ້ໄຂຢ່າງຮີບດ່ວນ ແລະ ມີປະສິດທິຜົນ”, ກວດກາຄືນ ແລະ ບູລະນະສ້ອມແປງບັນດາກິດຈະກຳຄັນຄູ, ອ່າງເກັບນ້ຳ, ທາງຄົມມະນາຄົມ.... ເພື່ອຫຼຸດຜ່ອນຄວາມສ່ຽງຈາກໄພທຳມະຊາດ.