ກອງປະຊຸມຜັນຂະຫຍາຍໜ້າທີ່ຂອງບັ້ນຂົນຂວາຍ“ຊາວຫວຽດນາມບຸລິມະສິດຊົມໃຊ້ສິນຄ້າຫວຽດນາມ”
ກອງປະຊຸມຜັນຂະຫຍາຍໜ້າທີ່ຂອງບັ້ນຂົນຂວາຍ
“ຊາວຫວຽດນາມບຸລິມະສິດຊົມໃຊ້ສິນຄ້າຫວຽດນາມ”
(vovworld) – ທີ່ກອງປະຊຸມຜັນຂະຫຍາຍໜ້າທີ່ຂອງບັ້ນຂົນຂວາຍ “ຊາວຫວຽດນາມບຸລິມະສິດຊົມໃຊ້ສິນຄ້າຫວຽດນາມ” ຈັດຂຶ້ນໃນຕອນເຊົ້າວັນທີ 18/2, ຢູ່ ຮ່າໂນ້ຍ, ຄະນະຊີ້ນຳບັ້ນຂົນຂວາຍຢັ້ງຢືນໃນປີທີ 5 ປະຕິບັດບັ້ນຂົນຂວາຍ “ຊາວຫວຽດນາມບຸລິມະສິດນຳໃຊ້ສິນຄ້າຫວຽດນາມ”, ຈະມີບັນດາມາດຕະການຈຸດສຸມເພື່ອໃຫ້ບັ້ນຂົນຂວາຍນັບມື້ນັບໄດ້ຮັບການຍົກສູງ ແລະ ຢັ້ງຢືນຄຸນນະພາບຂອງສິນຄ້າ, ບໍລິການເຄື່ອງໝາຍການຄ້າ ຫວຽດນາມ, ຍົກສູງປະສິດທິຜົນການຄຸ້ມຄອງລັດ, ສ້າງຕະຫຼາດໃຫ້ສົດໃສ, ຮັບປະກັນສິດຜົນປະໂຫຍດຂອງຜູ້ຊົມໃຊ້, ສ້າງເງື່ອນໄຂສະດວກໃຫ້ບັນດາວິສາຫະກິດຍົກສູງກຳລັງຄວາມສາມາດຜະລິດ, ດຳເນີນທຸລະກິດ. ນອກຈາກນັ້ນ, ຄະນະຊີ້ນຳສູນກາງຖືວ່າ: ຄວນເສີມຂະຫຍາຍພາລະບົດບາດຂອງແນວໂຮມປະເທດຊາດ ແລະ ບັນດາອົງການຈັດຕັ້ງມະຫາຊົນ, ອົງການຈັດຕັ້ງສັງຄົມ, ວິຊາຊີບກ່ວາອີກ ໃນການສ້າງວັດທະນະທຳບໍລິໂພກອຸປະໂພກຂອງ ຊາວຫວຽດນາມ ໃນໄລຍະໃໝ່. ພ້ອມກັນນັ້ນ, ສົມທົບກັບລັດຖະບານ, ບັນດາກະຊວງ, ຂະແໜງການ, ອົງການຈັດຕັ້ງທີ່ຂຶ້ນກັບລັດຖະບານ ຜັນຂະຫຍາຍສ້າງຍຸດທະສາດການເຄື່ອນໄຫວແຫ່ງຊາດ “ຊາວຫວຽດນາມບຸລິມະສິດຊົມໃຊ້ສິນຄ້າຫວຽດນາມ” ຮອດປີ 2020.
ໃນປີ 2013, ເພື່ອຜັນຂະຫຍາຍປະຕິບັດບັ້ນຂົນຂວາຍ “ຊາວຫວຽດນາມບຸລິມະສິດນຳໃຊ້ສິນຄ້າຫວຽດນາມ”, ຄະນະປະຈຳບັ້ນຂົນຂວາຍໄດ້ຍູ້ແຮງວຽກງານຖະແຫຼງຂ່າວ, ໂຄສະນາ ສິນຄ້າ, ບໍລິການເຄື່ອງໝາຍການຄ້າຫວຽດນາມ.