(vovworld) - ມີຜູ້ແທນກວ່າ 200 ຄົນ ເຊິ່ງແມ່ນການນຳຂັ້ນເມືອງ, ຕາແສງ ແລະ ເຈົ້າກົກເຈົ້າເຫລົ່າ, ນາຍບ້ານ, ຜູ້ມີອິດທິພົນຊື່ສຽງ, ທະຫານຊາຍແດນຢູ່ບັນດາຕາແສງ, ບັນດາເມືອງເຂດຊາຍແດນແຂວງ ເຫ້ງອານ, ຮ່າຕິ້ງ ທີ່ມີເສັ້ນຊາຍແດນຕິດກັບລາວ, ໄດ້ເຂົ້າຮ່ວມກອງປະຊຸມຝຶກອົບຮົມ, ເຜີຍແຜ່ກົດໝາຍກ່ຽວກັບຊາຍແດນ ໃຫ້ແກ່ບັນດາເປົ້າໝາຍຫຼັກແຫຼ່ງຢູ່ເຂດຊາຍແດນຫວຽດນາມ - ລາວ. ກ່າວຄຳເຫັນທີ່ກອງປະຊຸມ, ທ່ານ ເຈືອງມິງຕ໋ວນ, ຮອງຫົວໜ້າຄະນະໂຄສະນາສຶກສາສູນກາງພັກ ໃຫ້ຮູ້ວ່າ, ຍາມໃດລັດຖະບານ 2 ປະເທດ ກໍ່ກຳນົດບົດບາດຂອງປະຊາຊົນຢູ່ເຂດຊາຍແດນ, ປະຊາຊົນເຂດຊາຍແດນ, ບັນດາຊົນເຜົ່າທີ່ພວມດຳລົງຊີວິດຢູ່ 2 ຟາກຊາຍແດນ, ພິເສດແມ່ນຖັນແຖວພະນັກງານຂັ້ນຮາກຖານ, ເຈົ້າກົກເຈົ້າເຫລົ່າ, ນາຍບ້ານ, ທະການຊາຍແດນ ແມ່ນກຳລັງຫຼັກແຫຼ່ງໃນວຽກງານປົກປັກຮັກສາເສັ້ນສາຍແດນ, ຫຼັກໝາຍຊາຍແດນຂອງ 2 ປະເທດ, ເພີ່ມພູນຄຸນສ້າງສາຍພົວພັນທີ່ເປັນມູນເຊື້ອລະຫວ່າງ 2 ປະເທດ. ທ່ານ ເຈືອງມິງຕ໋ວນ ເນັ້ນໜັກວ່າ.
“ບັນດາຜູ້ທີ່ມີອິດທິຜົນຊື່ສຽງ ແລະ ທະຫານຊາຍແດນ ນັບມື້ນັບໄດ້ຮັບການພັດທະນາບົດບາດຂອງຕົນໃນວຽກງານຊາຍແດນຫຼາຍກ່ວາອີກ. ວຽກງານປົກປັກຮັກສາ ແລະ ຄຸ້ມຄອງເສັ້ນຊາຍແດນ ຈະບັນລຸໄດ້ຜົນງານສູງ ຖ້າຫາກບັນດາຜູ້ມີອິດທິຜົນຊື່ສຽງຢູ່ບ້ານຮ່ວມແຮງ, ຮ່ວມໃຈ, ເປັນແບບຢ່າງໃຫ້ແກ່ປະຊາຊົນໃນບັນດາການເຄື່ອຮໄຫວຢ່າງລະອຽດ, ແທດຈິງ ເພື່ອແນໃສ່ປົກປັກຮັກສາຫຼັກໝາຍຊາຍແດນ, ເຮັດໃຫ້ບ້ານເກີດເມືອງນອນຮັ່ງມີ, ເສີມຂະຫຍາຍນ້ຳໃຈອັນດີງາມກັບປະຊາຊົນລາວບັນດາເຜົ່າ.”