(vovworld) - ວັນທີ 29 ສິງຫາ, ຢູ່ນະຄອນດ້ຽນບຽນຝູ, ແຂວງດ້ຽນບຽນ, ຄະນະໂຄສະນາສຶກສາສູນກາງ ໄດ້ຈັດກອງປະຊຸມໂຄສະນາ ເຜີຍແຜ່ກົດໝາຍກ່ຽວກັບເຂດຊາຍແດນທາງບົກລະຫວ່າງຫວຽດນາມ - ລາວ. ມີຜູ້ແທນ 200 ກ່ວາຄົນແມ່ນການນຳບັນດາກະຊວງ, ອຳນາດການປົກຄອງ ແລະ ກອງບັນຊາການທະຫານຊາຍແດນ 2 ແຂວງ ດ້ຽນບຽນ ແລະ ເຊີນລາ; ຜູ້ຕາງໜ້າຖັນແຖວນາຍບ້ານ, ຜູ້ມີອິດທິຜົນຊື່ສຽງຢູ່ 9 ເມືອງ, 46 ຕາແສງເຂດຊາຍແດນຂອງ 2 ແຂວງໄດ້ເຂົ້າຮ່ວມຢ່າງພ້ອມພຽງ.
ເນື້ອໃນເຊິ່ງໄດ້ຮັບການໂຄສະນາໃນກອງປະຊຸມແມ່ນ: ບັນດາເອກະສານນິຕິກຳທີ່ກ່ຽວຂ້ອງເຖິງເຂດຊາຍແດນຫວຽດນາມ - ລາວ ແລະ ໝາກຜົນຂອງວຽກງານປັກຫຼັກໝາຍຖີ່ ແລະ ບູລະນະ ລະບົບຫຼັກໝາຍຊາຍແດນ; ສະພາບເສດຖະກິດສັງຄົມ, ປ້ອງກັນຊາດປ້ອງກັນຄວາມສະຫງົບ... ພັນເອກ ຮ່ວາງມິງຕ໋ວນ, ຮອງຫົວໜ້າຜູ້ບັນຊາການທະຫານຊາຍແດນແຂວງດ້ຽນບຽນ ໃຫ້ຮູ້ວ່າ.
“ໃນຊຸມປີຜ່ານມາ, ວຽກງານຈັດຕັ້ງຄຸ້ມຄອງ, ປົກປັກຮັກສາເສັ້ນຊາຍແດນບັນລຸໄດ້ບັນດາໝາກຜົນດີ, ອະທິປະໄຕຜື້ນແຜນດິນໄດ້ຮັບການຮັກສາ, ຄວາມເປັນລະບຽບຮຽບຮ້ອຍດ້ານການເມືອງ, ສັງຄົມ ໄດ້ຮັບການຮັກສາຢ່າງໝັ້ນຄົງ. ເພື່ອບັນລຸໄດ້ບັນດາຜົນງານດັ່ງກ່າວ ໄດ້ມີການປະກອບສ່ວນຢ່າງໃຫຍ່ຫຼວງຂອງປະຊາຊົນອາໄສຢູ່ເຂດຊາຍແດນ, ໃນນັ້ນມີບົດບາດສຳຄັນຂອງພະນັກງານອຳນາດການປົກຄອງ, ບັນດາຕາແສງ, ບ້ານ ແລະ ນາຍບ້ານ, ຜູ້ມີອິດທິຜົນຊື່ສຽງຢູ່ບັນດາຕາແສງຕິດກັບເຂດຊາຍແດນ. ໃນຊຸມປີຜ່ານມາ, ທະຫານປ້ອງກັນຊາຍແດນແຂວງດ້ຽນບຽນ ໄດ້ດຳເນີນບັນດາຂະບວນການປ້ອງກັນເຂດຊາຍແດນດ້ວຍຕົນເອງ, ໃນປະຈຸບັນພວກຂ້າພະເຂົ້າພວມຜັນຂະຫຍາຍຢູ່ທຸກໆຕາແສງເຂດຊາຍແດນ”.