ວັນທີ 11 ມັງກອນ ຢູ່ ຮ່າໂນ້ຍ, ເຂົ້າຮ່ວມ ແລະ ກ່າວຄຳເຫັນຢູ່ທີ່ກອງປະຊຸມພະນັກງານທົ່ວປະເທດກ່ຽວກັບວຽກງານກໍ່ສ້າງພັກປີ 2012, ທ່ານເລຂາທິການໃຫຍ່ພັກກອມມູນິດ ຫວຽດນາມ ຫງວຽນຟ໋ຈ້ອງ ຊີ້ແຈງເຖິງຄວາມໝາຍສຳຄັນຂອງກອງປະຊຸມຄັ້ງນີ້ - ກອງປະຊຸມທຳອິດຂອງອາຍຸການຊຸດທີ 11, ວຽກງານຈັດຕັ້ງ, ກໍ່ສ້າງພັກມີຫຼາຍຢ່າງຈະຕ້ອງເຮັດ. ທ່ານເລຂາທິການໃຫຍ່ຊີ້ແຈງວ່າ ໃນສະພາບການຄືປະຈຸບັນ ແລະ ຕໍ່ນ້າບັນດາໜ້າທີ່ໃໝ່ຂອງການປະຕິວັດ ຫວຽດນາມ ນັ້ນຈຳເປັນຕ້ອງຍົກສູງຄວາມສາມາດໃນການຊີ້ນນຳພາຳ ແລະ ກຳລັງຕໍ່ສູ້ຂອງພັກ, ວາງອອກບັນດາໜ້າທີ່ສຳລັບວຽກງານກໍ່ສ້າງພັກ. ຖ້າຫາກພັກເຮົາບໍ່ມີຄວາມໝັ້ນຄົງດ້ານການເມືອງແນວຄິດ, ບໍ່ມີຄວາມເປັນເອກະພາບກັນຢ່າງສູງກ່ຽວກັບເຈດຈຳນົງ ແລະ ການກະທຳ, ບໍ່ມີຄວາມປອດໃສດ້ານຄຸນສົມບັດ, ບໍ່ມີໜັກແໜ້ນດ້ານການຈັດຕັ້ງ ແລະ ບໍ່ໄດ້ຮັບການສະໜັບສະໜູນຈາກປະຊາຊົນພວກເຮົາຈະບໍ່ສາມາດຊີ້ນຳນຳພາປະເທດຊາດກ້າວຂື້ນໄດ້. ທ່ານເລຂາທິການໃຫຍ່ໄດ້ເນັ້ນໜັກວ່າ, ໃນທົ່ວລະບົບບັນດາອົງການເຮັດວຽກງານເປັນເສນາທິການໃຫ້ແກ່ພັກ, ຄະນະຈັດຕັ້ງສູນກາງ ແລະ ບັນດາອົງການຈັດຕັ້ງຂັ້ນຕ່າງໆມີທີ່ຕັ້ງບົດບາດສຳຄັນເປັນພິເສດ, ທັງເປັນອົງການເສນາທິການ, ທັງເປັນອົງການປະຕິບັດກ່ຽວກັບວຽກງານຈັດຕັ້ງ ແລະ ກໍ່ສ້າງພັກໂດຍກົງ. ຖ້າເວົ້າວ່າ ກໍ່ສ້າງພັກແມ່ນໄລກອນນັ້ນ, ວຽກງານຈັດຕັ້ງພະນັກງານແມ່ນສຳຄັນກວ່າໄລກອນ, ນີ້ທັງເປັນກຽດ ແລະ ທັງເປັນໜ້າທີ່ອັນໜັກແໜ່ງ.
ທ່ານເລຂາທິການໃຫຍ່ປາດຖະໜາວ່າ ທົ່ວຂະແໜງຈັດຕັ້ງກໍ່ສ້າງພັກຄວນມີສະຕິຄວາມຮັບຮູ້ຢ່າງເລິກເຊິ່ງ ແລະ ຄົບຖ້ວນກ່ຽວກັບຄວາມຮຽກຮ້ອງຢ່າງຮີບດ່ວນຂອງໜ້າທີ່ກໍ່ສ້າງ, ປັບປຸງພັກໃນສະພາບຄືປະຈຸບັນ, ເຫັນໄດ້ໜ້າທີ່ຄວາມຮັບຜິດຊອບຂອງຕົນຕໍ່ພັກ, ຕໍ່ປະຊາຊົນ, ຄວມເສີມຂະຫຍາຍຈິດໃຈເປັນເຈົ້າການ, ຈັດຕັ້ງວຽກງານຕາມທິດປ່ຽນໃໝ່ເປັນຢ່າງດີ, ມີວິທະຍາສາດ ແລະ ຈັດແບ່ງງານຢ່າງລະອຽດ. ທ່ານຫງວຽນຟູ໋ຈ້ອງກ່າວວ່າ
“ ເມື່ອເວົ້າເຖິງການຈັດຕັ້ງແມ່ນເວົ້າເຖິງຫຼັກແຫຼ່ງຂອງການຈັດຕັ້ງ, ລະບົບການຈັດຕັ້ງ, ໂຄງປະກອບການຈັດຕັ້ງ, ກົນໄກເຄື່ອນໄຫວ, ແບບແຜນວິທີການເຮັດວຽກ, ການແບ່ງງານ ແລະ ສົມທົບໃນແຕ່ລະອົງການຈັດຕັ້ງກໍ່ຄືລະຫວ່າງບັນດາອົງການຈັດຕັ້ງໃນລະບົບໜື່ງ. ເວົ້າເຖິງພະນັກງານແມ່ນເວົ້າເຖິງການບຳລຸງສ້າງ, ຕີລາຄາ, ເລືອກເຟັ້ນ, ຊັບຊ້ອນພະນັກງານ, ລະບອບ, ນະໂຍບາຍສຳລັບພະນັກງານ. ນີ້ແມ່ນວຽກງານສຳລັບມະນຸດ, ສະນັ້ນມີຄວາມສຳຄັນຍິ່ງ ແລະ ສະດຸ້ງໄວ ” .