ກອງປະຊຸມລັດຖະມົນຕີການຕ່າງປະເທດອາຊຽນ
ບັນດາລັດຖະມົນຕີ ຖ່າຍຮູບທີ່ລະນຶກທີ່ກອງປະຊຸມ
(vovworld) – ວັນທີ 24/7, ຢູ່ນະຄອນຫຼວງ ວຽງຈັນ, ປະເທດລາວ, ກອງປະຊຸມລັດຖະມົນຕີການຕ່າງປະເທດ ສະມາຄົມປະຊາຊາດບັນດາປະເທດ ອາຊີຕາເວັນອອກສ່ຽງໃຕ້ (ອາຊຽນ) ຄັ້ງທີ 49 (AMM 49) ໄດ້ຈັດຂຶ້ນດ້ວຍການເຂົ້າຮ່ວມຂອງລັດຖະມົນຕີການຕ່າງປະເທດບັນດາປະເທດ ອາຊຽນ 10 ທ່ານ ແລະ ທ່ານເລຂາທິການໃຫຍ່ ອາຊຽນ. ດ້ວຍຫົວຂໍ້ວ່າ “ນຳວິໄສທັດໃຫ້ປະກົດຜົນເປັນຈິງເພື່ອປະຊາຄົມ ອາຊຽນ ຂະຫຍັນຂັນເຄື່ອນ”, ບັນດາລັດຖະມົນຕີໄດ້ສຸມໃສ່ປຶກສາຫາລື 5 ເນື້ອໃນຕົ້ນຕໍ່ເຊິ່ງລວມມີ: ບັນດາມາດຕະການປັບປຸງຄວາມສາມັກຄີ, ເປັນເອກະພາບ ແລະ ບົດບາດໃຈກາງຂອງ ອາຊຽນ, ເສີມຂະຫຍາຍວິໄສທັດປະຊາຄົມ ອາຊຽນ 2025, ຍົກສູງປະສິດທິຜົນໂກງຈັກການຈັດຕັ້ງ, ການຮ່ວມມືລະຫວ່າງ ອາຊຽນ ກັບບັນດາຄູ່ຮ່ວມມືວ່າ ແລະ ແລກປ່ຽນກ່ຽວກັບສະພາບການພາກພື້ນ ແລະ ສາກົນ. ບັນດາລັດຖະມົນຕີເນັ້ນໜັກພິເສດ ອາຊຽນ ຕ້ອງບຸລິມະສິດອັນດັບໜຶ່ງເລື່ອງປັບປຸງ, ເພີ່ມທະວີຄວາມສາມັກຄີ, ເປັນເອກະພາບ.
ບັນດາປະເທດໃຫ້ຄຳໝັ້ນສັນຍາສືບຕໍ່ຕັດສິນໃຈ ແລະ ມານະພະຍາຍາມ ຜັນຂະຫຍາຍວິໄສທັດ 2025 ຢ່າງຄົບຖ້ວນ ແລະ ມີປະສິດທິຜົນ ແລະ ບັນດາແຜນການສັງລວມມຸ່ງໄປເຖິງປະຊາຄົມ ອາຊຽນ ນັບມື້ນັບສະໜິດຕິດພັນຢ່າງແໜ້ນແຟ້ນ, ອີງໃສ່ກົດໝາຍ ແລະ ຖືມະນຸດເປັນໃຈກາງ. ບັນດາລັດຖະມົນຕີຕີລາຄາສູງເລື່ອງຜັນຂະຫຍາຍວິໄສທັດ 2025 ຕິດພັນກັບໂຄງການດຳເນີນງານ 2030 ຂອງ ສປຊ ກ່ຽວກັບການພັດທະນາແບບຍືນຍົງ, ຖືນີ້ແມ່ນບຸລິມະສິດສຳຄັນ, ເຫັນດີເປັນເອກະພາບຈະພິຈາລະນາກຳນົດບັນດາຂົງເຂດບຸລິມະສິດ ແລະ ສ້າງວິວັດທະນາການເພື່ອຊຸກຍູ້ບັນດາປັດໃຈຄ້າຍຄືກັນໃນເອກະສານຍຸດທະສາດນີ້. ປຶກສາຫາລືກ່ຽວກັບສະພາບການພາກພື້ນ ແລະ ສາກົນ, ບັນດາລັດຖະມົນຕີໄດ້ແລກປ່ຽນກ່ຽວກັບຫຼາຍບັນຫາທີ່ຕ່າງຝ່າຍຕ່າງມີຄວາມສົນໃຈຄື: ແຫຼມ ເກົາຫຼີ, ຕາເວັນອອກກາງ, ທະເລຕາເວັນອອກ… ກ່ຽວກັບບັນຫາທະເລຕາເວັນອອກ, ບັນດາລັດຖະມົນຕີໄດ້ຢັ້ງຢືນຄວາມສຳຄັນຂອງທະເລຕາເວັນອອກ ຕິດພັນກັບສັນຕິພາບ, ສະຖຽນລະພາບ ແລະ ການຮ່ວມມືຂອງພາກພື້ນ, ສືບຕໍ່ສະແດງຄວາມວິຕົກວັງວົນຕໍ່ສະພາບສັບສົນໄລຍະມໍ່ໆມານີ້ຂອງທະເລຕາເວັນອອກ. ບັນດາລັດຖະມົນຕີຢັ້ງຢືນຫຼັກໝັ້ນຢ່າງສະເໝີຕົ້ນສະເໝີປາຍກ່ຽວກັບການແກ້ໄຂບັນດາຄວາມຂັດແຍ້ງກັນດ້ວນສັນຕິວິທີບົນພື້ນຖານກົດໝາຍສາກົນ, ລະງັບໃຈ, ບໍ່ນຳໃຊ້ ຫຼື ນາບຂູ່ນຳໃຊ້ກຳລັງອາວຸດ, ບໍ່ໃຊ້ກຳລັງການທະຫານ, ບໍ່ມີບັນດາການກະທຳເຮັດໃຫ້ສະພາບການສັບສົນຂຶ້ນຕື່ມ ແລະ ເຮັດໃຫ້ສະພາບເພີ່ມຄວາມເຄັ່ງຕຶງຂຶ້ນຕື່ມ ແລະ ບັນລຸໄດ້ຄວາມຄືບໜ້າແທດຈິງໃນການປະຕິບັດຖະແຫຼງການກ່ຽວກັບການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ແລະ ສ້າງກົດແຫ່ງການປະພຶດຢູ່ທະເລຕາເວັນອອກ (COC).