(ພາບປະກອບ)
(vovworld) - ວັນທີ 04/03, ລັດຖະມົນຕີການເງິນບັນດາປະເທດສະມາຊິກກຸ່ມປະເທດໃຊ້ສະກຸນເງິນເອີໂຣ (Eurozone), ໄດ້ຈັດກອງປະຊຸມຢູ່ບຣຸກແສນ, ປະເທດ ແບນຊິກ, ເພື່ອປຶກສາຫາລືບັນດາມາດຕະການຮັບມືກັບສະພາບການເສດຖະກິດອ່ອນດ້ອຍ ແລະ ສະພາບການການເມືອງວຸ້ນວາຍພາຍຫຼັງການເລືອກຕັ້ງຢູ່ອີຕາລີ. ນະທີ່ນີ້, ບັນດາລັດຖະມົນຕີໄດ້ສຸມໃສ່ປຶກສາຫາລືກ່ຽວກັບເລື່ອງບັນດາປະເທດສະມາຊິກໄດ້ມານະພະຍາຍາມຫຼຸດຜ່ອນໜີ້ສາທາລະນະ ແລະ ຮັບປະກັນຄວາມສະຖຽນລະພາບດ້ານການເງິນຢູ່ Eurozone. ຄຽງຂ້າງນັ້ນ, ໃນສະພາບການຂາດດຸນງົບປະມານຂອງບັນດາປະເທດສະມາຊິກພວມຢູ່ໃນລະດັບອັນຕະລາຍ, ພິເສດຝລັ່ງ, ເຊິ່ງແມ່ນພື້ນຖານເສດຖະກິດໃຫຍ່ອັນດັບ 2 ຂອງ Eurozone ນີ້ ອາດຈະຮຽກຮ້ອງໃຫ້ EU ເພີ່ມກຳນົດເວລາຕື່ມອີກໜຶ່ງປີ ເພື່ອປັບປຸງລະດັບຂາດດຸນງົບປະມານໃຫ້ຫຼຸດລົງລະດັບອະນຸຍາດ. ບັນດາລັດຖະມົນຕີການເງິນກໍພິຈາລະນາເຖິງເລື່ອງສ້າງໂຄງປະກອບທະນາຄານ ແອດສະປາຍ ຄືນໃໝ່ໃຫ້ມີປະສິດທິຜົນ, ພ້ອມທັງປຶກສາຫາລືບັນດາມາດຖານທີ່ສາມາດນຳໃຊ້ໃຫ້ແກ່ບັນດາປະເທດສະມາຊິກໃນປີໜ້າ ເມື່ອກົນໄກຮັບປະກັນຄວາມເປັນປົກກະຕິເອີລົບ ໄດ້ຮັບການຮັບຮອງເອົາ.
ໃນເຫດການອື່ນ, ໂດຍບໍ່ຫົວຊາຕໍ່ເລື່ອງ Eurozone ພວມຜ່ານຜ່າໄລຍະຫຍຸ້ງຍາກທີ່ສຸດໃນປະຫວັດສາດ, ວັນທີ 04/03, Latvia ໄດ້ຍື່ນໜັງສື່ຂໍເຂົ້າເປັນສະມາຊິກ Eurozone ໃນປີ 2014. ຖ້າຫາກໄດ້ຮັບການຮັບຮອງ, ປະເທດນີ້ຈະກ່າຍເປັນສະມາຊິກທີ 18 ຂອງ Eurozone.