(ທ່ານ ຈິ້ງດີງຢຸງ ຮອງນາຍົກລັດຖະມົນຕີ ເຂົ້າຮ່ວມ
ແລະ ກ່າວຄຳເຫັນຊີ້ນຳຢູ່ກອງປະຊຸມ)
(vovworld) - ຕອນເຊົ້າວັນທີ 08/05, ຢູ່ສູນກອງປະຊຸມແຂວງ ລາວກາຍ ໄດ້ດຳເນີນກອງປະຊຸມສົ່ງເສີມການລົງທຶນ ແລະ ພັດທະນາການທ່ອງທ່ຽວແຂວງ ລາວກາຍ ປີ 2016. ທ່ານ ຈິ້ງດີງຢຸງ ຮອງນາຍົກລັດຖະມົນຕີ ເຂົ້າຮ່ວມ ແລະ ກ່າວຄຳເຫັນຊີ້ນຳຢູ່ກອງປະຊຸມ. ທີ່ກອງປະຊຸມ, ແຂວງ ລາວກາຍ ຮຽກຮ້ອງລົງທຶນເຂົ້າບັນດາໂຄງການທີ່ມີຄວາມສາມາດບົ່ມຊ້ອນຄື: ທ່າອາກາດສະຍານ ລາວກາຍ; ສາຍເສັ້ນທາງລົດໄຟ ລາວກາຍ - ຮ່າໂນ້ຍ…ລາວກາຍ ກໍ່ສະເໜີ ການລົງທຶນພັດທະນາຕາມທິດຮ່ວມສຳພັນຢ່າງແໜ້ນແຟ້ນ, ມີປະສິດທິຜົນ ແລະ ລົງເລິກ. ກ່າວຄຳເຫັນຊີ້ນຳກອງປະຊຸມ, ທ່ານຮອງນາຍົກລັດຖະມົນຕີ ຈິ້ງດີງຢຸງ ໃຫ້ຮູ້ວ່າ:
“ຂ້າພະເຈົ້າເຊື່ອໝັ້ນວ່າ: ອົງຄະນະພັກ, ອຳນາດການປົກຄອງ, ປະຊາຊົນບັນດາເຜົ່າແຂວງ ລາວກາຍ ແລະ ບັນດາວິສາຫະກິດ, ນັກລົງທຶນຈະປ່ຽນໃໝ່, ຂະຫຍັນຂັນເຄື່ອນກ່ວາ ເພື່ອຂຸດຄົ້ນ ແລະ ນຳໃຊ້ບັນດາແຫຼ່ງກຳລັງ, ບັນດາຄວາມສາມາດບົ່ມຊ້ອນທ່າແຮງຂອງແຂວງ ຢ່າງມີປະສິດທິຜົນ. ພ້ອມກັນນັ້ນ ສົມທົບກັນຢ່າງແໜ້ນແຟ້ນກັບບັນດາກະຊວງ, ຂະແໜງການ, ສຸມໃສ່ການປະຕິບັດບັນດາຄຳໝັ້ນສັນຍາ ກ່ຽວກັບການປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດຢ່າງແຮງ, ສຸມໃສ່ແກ້ໄຂຄວາມຫຍຸ້ງຍາກ, ຍູ້ແຮງພາລະກິດປ່ຽນໃໝ່ຢ່າງຮອບດ້ານ, ນຳແຂວງ ລາວກາຍ ກາຍເປັນແຂວງພັດທະນາທີ່ສຸດໃນເຂດຕາເວັນຕົກສ່ຽງເໜືອ ແລະ ແມ່ນແຂວງພັດທະນາປານກາງຂອງທົ່ວປະເທດໂດຍໄວ”