(vovworld) – ຕອນເຊົ້າວັນທີ 17/05, ຢູ່ນະຄອນດ່າລາດ, ຄະນະຊີ້ນຳເຂດໄຕງວຽນ ສົມທົບກັບທະນາຄານແຫ່ງລັດຫວຽດນາມ ແລະ ບັນດາແຂວງເຂດໄຕງວຽນ ຈັດຕັ້ງກອງປະຊຸມສົ່ງເສີມການລົງທຶນ ແລະ ຮັບປະກັນຊີວິດສັງຄົມເຂດໄຕງວຽນ ຄັ້ງທີ 3. ມີຜູ້ແທນກວ່າ 500 ຄົນ, ທີ່ຕາງໜ້າໃຫ້ບັນດາກະຊວງ, ຂະແໜງການສູນກາງ, ທະນາຄານ, ຫົວໜ່ວຍ, ວິສາຫະກິດ, ບັນດານັກລົງທຶນພາຍໃນ ແລະ ຕ່າງປະເທດເຂົ້າຮ່ວມ.
ກ່າວຄຳເຫັນໄຂກອງປະຊຸມ, ພົນເອກ ເຈີນດ້າຍກວາງ, ກຳມະການກົມການເມືອງ, ລັດຖະມົນຕີວ່າການກະຊວງຕຳຫຼວດຫວຽດນາມ, ຫົວໜ້າຄະນະຊີ້ນຳເຂດໄຕງວຽນ, ຊີ້ແຈ້ງວ່າ.
“ເພື່ອປະຕິບັດຄາດໝາຍໃນຊຸມປີຈະມາເຖິງຢ່າງມີໄຊ ແມ່ນຕ້ອງພັດທະນາຢ່າງໝັ້ນຄົງ, ສ້າງການເຫັນປ່ຽນໂດຍພື້ນຖານ, ນຳເຂດໄຕງວຽນ ໃຫ້ກາຍເປັນເຂດກຳລັງໜູນດ້ານເສດຖະກິດ, ນອກຈາກຄວາມເອົາໃຈໃສ່ດ້ານນະໂຍບາຍແຫຼ່ງກຳລັງຈາກພັກ, ລັດແລ້ວ, ໄຕງວຽນ ຍັງຕ້ອງມີການຮ່ວມສຳພັນໃນການລົງທຶນ ໜູນຊ່ວຍຢ່າງທັນການຈາກບັນດາກະຊວງ, ຂະແໜງການທ້ອງຖິ່ນ, ປະຊາຄົມວິສາຫະກິດທັງຢູ່ພາຍໃນ ແລະ ຕ່າງປະເທດອີກດ້ວຍ. ນີ້ກໍ່ແມ່ນໂອກາດເພື່ອໃຫ້ບັນດານັກລົງທຶນມີເງື່ອນໄຂຊອກຮູ້ຄວາມສາມາດບົ່ມຊ້ອນ, ທ່າແຮງ ແລະ ສະພາບແວດລ້ອມແຫ່ງການລົງທຶນຢູ່ເຂດໄຕງວຽນ.”