ກອງປະຊຸມສຸດຍອດ ອາຊຽນ ຄັ້ງທີ 43: ຖະແຫຼງການຂອງປະທານ ເນັ້ນໜັກເຖິງການເພີ່ມທະວີຄວາມໄວ້ເນື້ອເຊື່ອໃຈ ແລະ ຄວາມເຊື່ອໝັ້ນເຊິ່ງກັນແລະກັນ
(VOVWORLD) - ວັນທີ 7 ກັນຍາ, ກອງປະຊຸມສຸດຍອດ ອາຊຽນ ຄັ້ງທີ 43 ໄດ້ອອກຖະແຫຼງການຂອງປະເທດປະທານ, ໃນນັ້ນ ໄດ້ເນັ້ນໜັກເຖິງຄວາມຈຳເປັນຂອງການເພີ່ມທະວີຄວາມໄວ້ເນື້ອເຊື່ອໃຈ ແລະ ຄວາມເຊື່ອໝັ້ນເຊິ່ງກັນແລະກັນ ເພື່ອຮັກສາສັນຕິພາບ, ສະຖຽນລະພາບໃນພາກພື້ນ.
 ກອງປະຊຸມສຸດຍອດ ອາຊຽນ ຄັ້ງທີ 43 ແລະ ບັນດາກອງປະຊຸມທີ່ກ່ຽວຂ້ອງ ດຳເນີນແຕ່ວັນທີ 05 - 07 ກັນຍາ ຢູ່ ຈາກາຕາ ອິນໂດເນເຊຍ (ພາບ: VOV) |
ຖະແຫຼງການດັ່ງກ່າວກໍໄດ້ສະແດງຄວາມວິຕົກກັງວົນກ່ຽວກັບການເຄື່ອນໄຫວທີ່ສົ່ງຜົນກະທົບຕໍ່ຄວາມປອດໄພຂອງປະຊາຊົນ, ກໍ່ມົນລະພິດຕໍ່ສິ່ງແວດລ້ອມ, ເຮັດໃຫ້ຄວາມໄວ້ເນື້ອເຊື່ອໃຈ ແລະ ຄວາມເຊື່ອໝັ້ນກັນຖືກຈ່າງຫາຍ, ເພີ່ມຄວາມເຄັ່ງຕຶງ ແລະ ອາດຈະເຮັດໃຫ້ສັນຕິພາບ, ຄວາມໝັ້ນຄົງ ແລະ ສະຖຽນລະພາບໃນພາກພື້ນຖືກຊຸດໂຊມ. ອາຊຽນ ກໍຢັ້ງຢືນຄືນຄວາມຈຳເປັນຂອງການແກ້ໄຂການຂັດແຍ້ງກັນໂດຍສັນຕິວິທີ, ສອດຄ່ອງກັບກົດໝາຍສາກົນ, ໃນນັ້ນ ມີສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS) ປີ 1982.
ພ້ອມກັບຖະແຫຼງການຂອງປະທານ ອາຊຽນ, ພາຍຫຼັງໂຮມປະຊຸມມາເປັນເວລາ 2 ວັນ, ມີຖະແຫຼງການຫຼາຍສະບັບ ລະຫວ່າງ ອາຊຽນ ແລະ ລະຫວ່າງອາຊຽນ ກັບຄູ່ຮ່ວມມື ໄດ້ຮັບການຮັບຮອງເອົາ, ໃນນັ້ນ ມີຖະແຫຼງການການນຳ ອາຊຽນ ກ່ຽວກັບການເພີ່ມທະວີການຄ້ຳປະກັນດ້ານສະບຽງອາຫານ ແລະ ໂພສະນາການໃນບັນດາວິກິດການ.
ຟ້າມຮ່າ - ນັກຂ່າວ VOV ປະຈຳ ອິນໂດເນເຊຍ.