ກອງປະຊຸມສຸດຍອດ ອາຊຽນຄັ້ງທີ 42: ຫວຽດນາມ ແລະ ອິນໂດເນເຊຍ ເພີ່ມທະວີການຮ່ວມມືກ່ຽວກັບການຖະແຫຼງຂ່າວ ແລະ ການສື່ສານ
(VOVWORLD) - ທ່ານລັດຖະມົນຕີ ຫງວຽນແມັງຮຸ່ງ ໄດ້ເຊື້ອເຊີນທ່ານລັດຖະມົນຕີ Johnny G. Plate ມາຢາມ ຫວຽດນາມ ແລະ ເຂົ້າຮ່ວມກອງປະຊຸມລັດຖະມົນຕີຖະແຫຼງຂ່າວ ອາຊຽນ (AMRI) ໂດຍ ຫວຽດນາມ ເປັນເຈົ້າພາບຈັດຂຶ້ນໃນເດືອນກັນຍາຈະມາເຖິງ
 ລັດຖະມົນຕີ ສອງທ່ານ ແລກປ່ຽນບົດຮຽນປະສົບການໃນການພັດທະນາ ແລະ ກຳນົດທິດເພີ່ມທະວີການຮ່ວມມືລະຫວ່າງສອງປະເທດ (ພາບ: chinhphu.vn) |
ວັນທີ 10 ພຶດສະພາ, ຢູ່ ຈາກາຕາ, ປະເທດອິນໂດເນເຊຍ ໃນຂອບເຂດແຜນການເຄື່ອນໄຫວ ແລະ ພ້ອມກັບຄະນະ, ເຂົ້າຮ່ວມກອງປະຊຸມສຸດຍອດ ອາຊຽນ ຄັ້ງທີ 42 ຢູ່ ອິນໂດເນເຊຍ, ທ່ານ ຫງວຽນແມັງຮຸ່ງ ລັດຖະມົນຕີກະຊວງຖະແຫຼງຂ່າວ ແລະ ການສື່ສານ ຫວຽດນາມ ໄດ້ມີການເຮັດວຽກກັບທ່ານລັດຖະມົນຕີກະຊວງຖະແຫຼງຂ່າວ ແລະ ການສື່ສານ ອິນໂດເນເຊຍ Johnny G. Plate.
ຢູ່ການເຮັດວຽກ, ລັດຖະມົນຕີສອງທ່ານໄດ້ເຫັນດີເປັນເອກະພາບຊຸກຍູ້ການຮ່ວມມືລະຫວ່າງ ບັນດາອົງການ, ວິສາຫະກິດສອງຝ່າຍ, ມອບໝາຍ ໃຫ້ບັນດາຫົວໜ່ວຍທີ່ກ່ຽວຂ້ອງຮຽບຮຽງບົດບັນທຶກຊ່ວຍຈຳກ່ຽວກັບການຮ່ວມມື (MoU) ເພື່ອລົງນາມໃນປີນີ້, ມຸ່ງໄປເຖິງການສ້າງການພົວພັນຄູ່ຮ່ວມມືດີຈີຕອນ ລະຫວ່າງສອງປະເທດ, ເສີມຂະຫຍາຍບັນດາຄວາມສາມາດບົ່ມຊ້ອນທີ່ໃຫຍ່ຫຼວງຂອງສອງຝ່າຍໃນຂົງເຂດເສດຖະກິດດີຈີຕອນ ແລະ ສັງຄົມດີຈີຕອນໃຫ້ມີປະສິດທິຜົນກ່ວາອີກ.
ທ່ານລັດຖະມົນຕີ ຫງວຽນແມັງຮຸ່ງ ໄດ້ເຊື້ອເຊີນທ່ານລັດຖະມົນຕີ Johnny G. Plate ມາຢາມ ຫວຽດນາມ ແລະ ເຂົ້າຮ່ວມກອງປະຊຸມລັດຖະມົນຕີຖະແຫຼງຂ່າວ ອາຊຽນ (AMRI) ໂດຍ ຫວຽດນາມ ເປັນເຈົ້າພາບຈັດຂຶ້ນໃນເດືອນກັນຍາຈະມາເຖິງ, ກອງປະຊຸມ ອາຊຽນ ກ່ຽວກັບ 5G, ຂໍ້ລິເລີ່ມໂດຍ ຫວຽດນາມເປັນເຈົ້າພາບຈັດຕັ້ງໃນເດືອນພະຈິກ ຈະມາເຖິງ.