(vovworld) - ງານພົບປະແລກປ່ຽນສາກົນດ້ວຍຫົວຂໍ້ວ່າ ກອງປະຊຸມສຸດຍອດການນຳໜຸ່ມຍີ່ປຸ່ນ - ອາຊຽນ ໄດ້ດຳເນີນໄປໃນຕອນບ່າຍວັນທີ 29/10 ຢູ່ໂຕກຽວ ປະເທດຍີ່ປຸ່ນ. ກ່າວຄຳເຫັນໄຂກອງປະຊຸມ, ທ່ານເອກອັກຄະລັດຖະທູດຫວຽດນາມ ປະຈຳຍີ່ປຸ່ນ Doan Xuan Hung ໄດ້ຕາງໜ້າບັນດາປະເທດອາຊີຕາເວັນອອກສຽງໃຕ້ ຢືນຢັນວ່າ ໄວໜຸ່ມດ້ວຍກຳລັງວັງຊາອັນໜຸ່ມແໜ້ນ ແລະ ຫົວຄິດປະດິດສ້າງຂອງຕົນສວນມບົດບາດສຳຄັນໃນການພັດທະນາການພົວພັນລະຫວ່າງອາຊຽນ ແລະ ຍີ່ປຸ່ນກວ່າອີກ.
ໃນຂອບເຂດກອງປະຊຸມສຸດຍອດການນຳໜຸ່ມຍີ່ປຸ່ນ - ອາຊຽນ ຍັງມີງານວາງສະແດງໂຄສະນາກ່ຽວກັບປະເທດຊາດ ແລະ ປະຊາຊົນຂອງ 11 ປະເທດທີ່ເຂົ້າຮ່ວມ. ອ້າຍ Nguyen Hai Minh, ຮອງປະທານສະມາຄົມນັກສຶກສານະຄອນຮ່າໂນ້ຍ, ຫົວໜ້າຄະນະຜູ້ແທນຊາວໜຸ່ມຫວຽດນາມ ທີ່ເຂົ້າຮ່ວມກອງປະຊຸມໃຫ້ຮູ້ວ່າ.
“ຜ່ານການເຄື່ອນໄຫວນີ້, ພວກຂ້າພະເຈົ້າຢາກໂຄສະນາແນະນຳກ່ຽວກັບທັດສະນີຍະພາບທຳມະຊາດທະເລຂອງຫວຽດນາມ, ກ່ຽວກັບວັດທະນະທຳທີ່ກ່ຽວຂ້ອງເຖິງທະເລຫວຽດນາມ ແລະ ບັນດາແຫຼ່ງຜົນປະໂຫຍດຈາກທະເລເຊິ່ງຫວຽດນາມ ພວມຂຸດຄົ້ນ ແລະ ນຳໃຊ້ຢ່າງມີປະສິດທິຜົນ ແລະ ຍືນຍົງ. ຜ່ານນັ້ນ, ເພື່ອນມິດສາກົນສາມາດມີບັນດາຂໍ້ມູນຕື່ມອີກກ່ຽວກັບທະເລໝູ່ເກາະຂອງປະເທດຫວຽດນາມ. ຈາກນັ້ນຈະມີການຮ່ວມມືຢ່າງແໜ້ນແຟ້ນກວ່າອີກໃນບັນດາການເຄື່ອນໄຫວທີ່ກ່ຽວຂ້ອງເຖິງທະເລ”.