(vovworld) – ກອງປະຊຸມສຸດຍອດລັດເຊຍ - ສະຫະພາບ ເອີລົບ (ຫຼື EU) ຄັ້ງທີ 29 ໄດ້ໄຂຂຶ້ນເມື່ອວັນທີ 3/6, ຢູ່ St. Petersburg, ສະຫະພັນລັດເຊຍ, ດ້ວຍການເຂົ້າຮ່ວມຂອງທ່ານປະທານາທິບໍດີ ລັດເຊຍ Vladimir Putin ແລະ ບັນດາການນຳ EU ໂດຍທ່ານປະທານສະພາເອີລົບ Herman Van Rompuy ແລະ ປະທານຄະນະກຳມະການເອີລົບ (ຫຼື EC) Jose Manuel Barroso ນຳໜ້າ. ທີ່ການເຮັດວຽກໃນວັນທີ 4/6, ບັນດາການນຳລັດເຊຍ ແລະ EU ໄດ້ສຸມໃສ່ປຶກສາຫາລື ກ່ຽວກັບວິວິດການເສດຖະກິດ - ການເງິນ ຢູ່ເອີລົບ, ວິວັດການຮ່ວມສຳພັນພາຍຫຼັງສະໄໝສະຫະພາບ ໂຊວຽດ ກໍຄືສະພາບການຢູ່ຊີຣີ ແລະ ອີຣານ. ພາກສ່ວນໜຶ່ງທີ່ສຳຄັນຂອງກອງປະຊຸມຄັ້ງນີ້ ແມ່ນການປຶກສາຫາລືແງ່ຫວັງການຮ່ວມມືດ້ານເສດຖະກິດ - ການຄ້າລະຫວ່າງລັດເຊຍ ແລະ EU ໃນສະພາບການທີ່ ລັດເຊຍ ເຂົ້າຮ່ວມອົງການການຄ້າໂລກ (ຫຼື WTO) ກໍຄືວິວັດການເຊື່ອມຕໍ່ ອາຊີ - ເອີລົບ. ບັນດາບັນຫາແກ່ນສານອື່ນໆ ທີ່ກອງປະຊຸມຄັ້ງນີ້ນັ້ນແມ່ນການຮ່ວມມືດ້ານພະລັງງານ ເຊິ່ງປະຈຸບັນ ຕາມລັດເຊຍ ແລ້ວ ແມ່ນພວມພັດທະນາຢ່າງຕັ້ງໜ້າ, ບັນຫາຫັນໄປສູ່ລະບອບຍົກເວັ້ນວິຊາເຂົ້າເມືອງໄລຍະສັ້ນລະຫວ່າງ ລັດເຊຍ ແລະ EU. ກອງປະຊຸມແມ່ນກາລະໂອກາດເພື່ອໃຫ້ບັນດາການນຳລັດເຊຍ ແລະ EU ພິຈາລະນາກ່ຽວກັບສະພາບເສດຖະກິດທົ່ວໂລກ, ບັນດາການພົວພັນດ້ານການຄ້າ ແລະ ເສດຖະກິດລະຫວ່າງລັດເຊຍ ແລະ EU ກໍຄືບັນດາມາດຕະການແກ້ໄຂວິວິດການການເງິນໂລກ.