(vovworld) – ຕອນເຊົ້າວັນທີ 19/02, ກ່າວຄຳເຫັນພາຍຫຼັງສິ້ນສຸດມື້ທຳອິດຂອງກອງປະຊຸມສຸດຍອດສະຫະພາບເອີລົບ (ອີຢູ) ຢູ່ບຣຸກແຊນ, ປະເທດແບນຊິກ, ທ່ານປະທານສະພາເອີລົບ Donald Tusk ກ່າວເຕືອນວ່າ, ເຖິງວ່າໄດ້ມີຄວາມກ້າວໜ້າບາງຢ່າງໃນການເຈລະຈາກໍຕາມ, ແຕ່ຍັງມີວຽກງານຫຼາຍຢ່າງຕ້ອງເຮັດເພື່ອບັນລຸໄດ້ຂໍ້ຕົກລົງ ແນໃສ່ຮັກສາອັງກິດ ເປັນສະມາຊິກ ອີຢູ. ໃນຂະນະນັ້ນ, ທ່ານນາຍົກລັດຖະມົນຕີອັງກິດ David Cameron ໄດ້ສະເໜີໃຫ້ບັນດາການນຳ ອີຢູ ຕ້ອງມີວິທີສຳພັດ “ປອງດອງກັນ” ກັບອັງກິດ, ໃນສະພາບທີ່ 2 ຝ່າຍຍັງບໍ່ທັນບັນລຸໄດ້ໝາກຜົນໃດໆ ພາຍຫຼັງການເຈລະຈາມື້ທຳອິດ. ທ່ານນາຍົກລັດຖະມົນຕີອັງກິດ ກໍຫວັງວ່າ, ຈະບັນລຸໄດ້ຂໍ້ຕົກລົງໜຶ່ງໃນມື້ສຸດທ້າຍຂອງກອງປະຊຸມເພື່ອໃຫ້ທ່ານດຳເນີນການເອົາປະຊາມະຕິໃນເດືອນ 06 ຈະມາເຖິງ ກ່ຽວກັບເລື່ອງອັງກິດ ຂະສືບຕໍ່ເປັນສະມາຊິກຂອງອີຢູ ຫຼື ບໍ່.